Jon 6:52 - Aria New Testament

⁵² Yesus wai langane deka osep Yuda ina tituk orsak pulu ke ila pelengon langane. “Lange ka gute are karanga kar pampamu ine ke ite ma itangene?”

Jon 6:52 ပူးပေါင်းရင်းမြစ်များ

Jon 1:19

E osep Yuda ina ka tidong ke Jerusalem tipagei osep loulou ina leklou e osep Livai ina leklou isak kla ke Jon ma tiwai ke iye ma tile iye gute ka lange. E Jon ila pelengon ane.

Jon 10:19

Osep Yuda ina tiklingen Yesus ila pelengon ane deka tipara pelengon pulu e tidardar ine.

Jon 3:4

Deka Nikodemus wai ke Yesus langane. “Lange ka gute ka namor kodong karanga polou oku langka mimi edimor? Iye karanga sep ke mimi ila armok ke tna pele e tna divir iye blang kovok.”

Jon 3:9

Deka Nikodemus pmi Yesus langane. “Lange ka elio ane karanga polou?”

Jon 4:11

E apmang wai ke iye langane. “Gute. Aki ina ovuk ane duru moli e lem wan ka omdue aki ine dong ke wom kovok. Omdue aki ka mosongon ina ka amwai ine ke omur ge?

Jon 6:41

Deka osep Yuda ina tingurngur ke Yesus kesua iye wai iye bret ka duru me ke omur heven.

Jon 6:60

Alo ka ila disaipel ti-klingen pelengon tonari isak pula tiwai langane. “Pelengon ane opru imi va. Gute sei karanga didie?”

Jon 9:16

Osep Farisi ina leklou tiwai langane. “Gute are dar oklou sabat ina pelengon dagar deka iteile Ida Tapolngon pagei iye me kovok.” E osep Farisi ina leklou tiwai langane. “Lange ka gute epmes ina karanga due elio arit ina bitna bitna langka iye due?” Deka osep Farisi ina tipara pelengon pulu e tidardar ine.

Aposel 17:32

Pol wai ke Yesus ina metengen e ila baulukngon e osep leklou tiwai apok ke iye. E osep leklou blang tiwai langane. “Pol imawaiki ma amparere imi ke pelengon ane blang. Imawaiki imeklingen ine blang.”

1 Korin 2:14

Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.