Jon 6:37 - Aria New Testament

³⁷ Osep ka pula keniye ka Livou kar isak ke ngong io ma time ke ngong e ma ngasapir isak kovok.

Jon 6:37 ပူးပေါင်းရင်းမြစ်များ

Matyu 11:28

“Langka umakalke lumu sigi e umobure deka umomo ke ngong e ma ngalua umu ma umomtong.

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 17:6

“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon.

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

Jon 6:65

Deka iye wai ke isak blang langane. “Ke batne ane ngawai ke umu langane kodong. Langka Livou paur gute me ke ngong kovok iye karanga me ke ngong kovok.”

Jon 9:34

Deka osep Farisi ina tikoli tiwai langane. “Aiya divir wom ke elio epmes ina e lila me ke eknikane wom dau omdong ine. E oku ane amwaiki amparere imi i?” Deka tisapir iye ke urok duningen ina ninu.

Pas ka Pol sogoe uti la ke osep Rom ina 5:20

Oglou ari Ida Tapolngon due Moses aitno deka iye sogo Ida Tapolngon ila pelengon ka dong kap osep. E osep ka tile omur ke sogongon tonari tidare aling pula e urok elio epmes ina pula vri ke isak. E alo ari Ida Tapolngon didi aitno e pagei ila makaingan ke osep ari e ila makaingan tonari res polou ombatno e mole elio soulu ka dong ke osep ari.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

1 Timoti 1:16

E Ida Tapolngon aitno due ngong e Yesus Krais ila elio molil ka iye para ma ngabauluk aitno lungong polou langka nisngen ke osep ka pula keniye amtarsak. Ma tivati wan ka iye due ke ngong. E ma isak blang aitno lisak dagar ke iye e ma tidue urok mosongon ka dong vala dong.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

1 Jon 2:19

Oglou osep tonari tidong kap ite deka tisongon ite kesua isak udo osua lokono kovok. Langka tidong ke udo osua lokono deka isak dau tidong kap ite. E alo ka tisongon ite ane nisngen tidong ke udo osua lokono kovok.

Pelengon kukwopngon 22:17

Ano Itau kap apmang ka Sipsip Otno ila asap isak orwo tiwai langane. “Umomo.” E osep ka tiklingen pelengon ane tiwai langane blang. “Umomo.” Gute ka aki vel iye ma iye me. E gute ka waiki inim iye ma me inim aki ka mosongon ina ka Ida Tapolngon kare ke iye adai.