Jon 6:30 - Aria New Testament

³⁰ E tipmi Yesus blang langane. “Ma omdue elio arit ina ka nisngen lange ma imavati e aitno limi la dagar ke wom? Ma omdue sua?

Jon 6:30 ပူးပေါင်းရင်းမြစ်များ

Mak 15:32

Langka lokono iye Krais ka lua osep ka Ida Tapolngon pagei me ka vri mgo ke osep Israel ina deka eknikane ma iye songon ina akai e duru ma imavati. Langka iye duru ma aitno limi la dagar ke iye.” Tiwai langane deka osep ka timana ke inarak akai tiwai apok ke iye blang.

Mak 8:11

Deka ari osep Farisi ina time tipolou ke Yesus e tipara pulu pelengon ke iye deka titok iye e tiwai langane. “Omdue elio arit ina gesa ma imavati kesua imawaiki ma imeile omur langka Ida Tapolngon pagei wom omo koke aurou?”

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 12:37

E lama iye due elio arit ina ka nisngen pula ke osep amtarsak dau aitno lisak la dagar ke iye kovok.

Jon 2:18

Deka osep Yuda ina tiwai ke iye langane. “Omdue elio arit ina ka nisngen lange ma nis imi lem arit dong ma amkaranga omdue elio ane?”

Jon 4:8

Iye wai langane kesua ila disaipel isak kla ke armok ma tikli inarak ngangon.

Jon 6:14

Osep are tivati elio arit ina ka nisngen ka Yesus due e tiwai pulu langane. “Lokono. Gute ane gute napaprangan ina ka oglou Moses wai ma iye me ke taklak.”

Jon 6:2

E osep pula pula tididi iye kesua tivati elio arit ina ka nisngen ka iye due alo ka iye due osep ka tipaia tipolou itau blang.

Jon 6:36

E langka ngawai ke umu kodong umavati ngong e dau aitno lumu dagar ke ngong kovok.

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

1 Korin 1:22

Langka osep Yuda ina tiwaiki tivati elio arit ina ka nisngen. E langka osep Grik ina tiwaiki tidue ilengen bitna bitna.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.