Jon 6:27 - Aria New Testament

²⁷ Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 6:27 ပူးပေါင်းရင်းမြစ်များ

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Matyu 6:19

“E umokum wan ka itau lokono ke umu ke taklak ane kovok. Kesua ke taklak kokros e ros tidue agegeng ke wan. E osep panakongon ina tisep ke ninu e tipanako wan.

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Mak 1:11

E iye klingen Ida Tapolngon wai ke omur heven langane. “Wom Erigu Arang lokono ka ngong lana ngong ke wom omba. Aitno lungong itau lokono ke wom.”

Mak 9:7

Pita wai pelengon tonari yagos deka gaup polou e kading isak. Deka tiklingen kreine polou ke gaup tonari ka wai langane. “Gute ane Erigu Arang ka ngong lana ngong omba ke iye. Talapmu klingen ila pelengon.”

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Luk 9:35

Deka kreine wai ke gaup langane. “Gute ane Erigu Arang ka ngarere. Umoklingen ke iye.”

Jon 10:28

E ngakar isak mosongon ka dong vala dong e ma timete kovok e gute kene karanga pi isak ke lungu kovok.

Jon 11:42

Ngaile aling aling emklingen ngong alo ka ngawai itau ke wom e ngawai langane kesua osep pula tidong ane. Ma aitno lisak dagar ke elio ka ampagei ngong ngame ke taklak.”

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 15:24

Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 3:15

Ma osep ka aitno lisak la dagar ke iye tidue urok mosongon ka dong vala dong.”

Jon 3:33

Gute ka klingen ila pelengon e aitno dagar ke iye ane langka iye wai langane. ‘Ida Tapolngon ila pelengon iye pelengon lokono.’

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Jon 6:47

Ngawai lokono ke umu langane. Gute ka aitno dagar ke ngong ma iye due mosongon ka dong vala dong.

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Jon 6:53

Deka Yesus wai ke isak langane. “Ngawai pelengon lokono ke umu langane. Langka umangen Gute Ka Polou Langka Osep pampamu ine kovok e umeinim ina marau kovok mosongon ka dong vala dong ma dong ke umu kovok.

Jon 6:54

Gute sei ka ngen pampamu lungong e inim ngau marau io mosongon ka dong vala dong ma dong ke iye e ma ngadue tito e dong blang ke oklou ka Ida Tapolngon wade osep ka pula keniye urok elio ine.

Jon 6:58

Ane bret ka duru me ke omur heven. Ane langka lumu seia tingene ke omur ka dong adai vala kovok. Tingen bret are e mase timete. E gute sei ka ngen bret ane ma due mosongon ka dong vala dong.”

Jon 6:62

Deka aitno lumu lange langka umavati Gute Ka Polou Langka Osep tito la ke omur ka oglou iye dong ine?

Jon 6:68

E Saimon Pita koli wai langane. “Ipem Puda ma imala imedidi gute sei silang? Kesua wom vala gute ka amwai pelengon ka due osep tidue mosongon ka dong vala dong.

Jon 8:18

Ngawai ke lou elio e Livou ka pagei ngong ngame wai ke lou elio blang.”

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Pas ka Pol sogoe uti la ke osep Rom ina 4:11

Oglou Abraham aitno dagar lokono ke Ida Tapolngon kodong deka lokono Ida Tapolngon due polou itau e osuk ke bitna. Iye polou itau e osuk ke bitna e mase Ida Tapolngon kar iye elio ulangngan ina. E elio ulangngan ina nisngen gesa ka nis osep Ida Tapolngon aitno itau ke Abraham. Aitno itau ke iye kesua oglou Abraham aitno la dagar ke iye. E eknikane osep ka pula keniye ka aitno lisak dagar ke Ida Tapolngon e tipolou itau e osuk ke bitna pmarak Abraham. Iye pmarak lama oglou tididi elio ulangngan ina kovok.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

1 Korin 6:13

Osep leklou tiwai ngangon wan ka itangen e itodue sep ke pele lite e pele lite dong ma itodue ngangon sepe. Pelengon ane lokono e Ida Tapolngon due agegeng ke isak orwo. E ke pampamu lite ma itodue elio soulu kovok. Aurou. Pampamu lite Ida Puda ila wan. E ma itoboko ila bokongon ine.

1 Korin 9:2

Langka osep leklou aitno lisak mter langka ngong aposel kovok dau umeile ngong aposel gesa. Aitno lumu dagar kodong e elio langane nisngen ngong Ida Puda ila aposel.

2 Korin 4:18

Aitno lite mter ke wan ka amtada karanga vati ke taklak ane kovok. Aurou. Aitno lite mter ke wan ka omur heven ina ka amtada karanga vati kovok. Kesua wan ka itakaranga itavati isak wan ka tidong sasi boto vala e wan ka itakaranga itavati kovok isak wan ka tidong vala tidong.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Filipai 2:13

Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

Kolosi 2:22

Parangan to-nari la ke wan bitna bitna ka isak polou yagos alo ka itodue wan gesa ine. Parangan tonari polou ke osep aitno lisak vala e tiwaiki itedidie.

Kolosi 3:2

Aitno lumu mter ke wan ka omur heven ina e mter ke wan ka taklak ane ina kovok.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

Hibru 4:11

Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.

Jems 1:11

Alo ka oklou tito e bublo engil deka gras polou kakrak e plaua duru ke taklak. Plaua duru deka itavatie langka wan ka sasi vala. Ane langka osep ka urok wan pula dong ke isak. Isak dau tidue burong ke wan bitna bitna e ma timete blang.

1 Pita 1:24

Ida Tapolngon ila pelengon wai langane. “Osep ka pula keniye isak langka gras e wan ka tikakai angainsak ine langka plaua. Gras tonari polou kakrak e plaua gene duru ke taklak.

2 Pita 1:17

E imodong kap iye e imeklingen Ida Tapolngon ka Pmada ila pelengon alo ka iye kakai Yesus angaine tito la egim. Alo ari imeklingen Ida Tapolngon ka dong egim lokono wai langane. “Gute ane Erigu Arang ka ngong lana ngong omba ke iye e aitno lungong itau lokono ke iye.”