Jon 5:44 - Aria New Testament

⁴⁴ Umawaiki osep leklou tikakai angainmu e dau umawaiki Ida Tapolngon kakai angainmu kovok. Lange ka aitno lumu karanga la dagar ke Ida Tapolngon alo ka umodue elio langare?

Jon 5:44 ပူးပေါင်းရင်းမြစ်များ

Matyu 23:5

Tidue wan bitna bitna ma osep tipalem isak. Tipou Ida Tapolngon ila pelengon palma palma ke bara lisak e tidue emi ka alang ke urok molo ene.

Luk 19:17

E gute wai ke iye langane. ‘Lou wokboi nating omdue elio itau. Emdidi lou pelengon lokono ke wan ka daudeng e ke batne langane ngadue wom ma amplau armok songotno.’

Jon 12:43

Tiwaiki osep tikakai angainsak e elio ane mole elio ka tiwaiki Ida Tapolngon kakai angainsak.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 3:20

Kesua osep ka pula keniye ka tidue elio soulu aitno lisak engil ke bublongon e ma time ke bublongon kovok lama bublongon nis osep ke urok elio soulu.

Jon 5:41

“Ngame ma osep tikakai angain ngong kovok.

Jon 8:43

“E ke batne ane umeile lou pelengon lana ine kovok. Umawaiki umoklingen lou pelengon kovok.

Pas ka Pol sogoe uti la ke osep Rom ina 2:10

E silang blang langane. Ma Ida Tapolngon koli elio ka itau ke osep keniye ka oglou tidue elio itau. Ma iye due elio itau ke osep Israel ina mgo. Deka ma iye due elio itau ke osep ka isak osep Yuda ina kovok blang. Ma aitno epen ke osep keniye ka tidue elio itau. E ma iye kakai angainsak e ma tidong itau kap iye.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

2 Korin 10:18

Deka langane. Langka gute kakai iye tona angaine ke ila bokongon ane wan adai vala. E langka Ida Puda kakai gute angaine ke ila bokongon ane wan omba.

Filipai 2:3

Umu kenmu kenmu aitno lumu mter ke umu tona vala e umawaiki umakakai angainmu kovok. Aurou. Umodong moli ke osep leklou e aitno lumu mter langka urok elio mole lumu elio.

1 Tesalonaika 2:6

E alo ka imoboko imawaiki umu koke osep leklou umakakai angainmi ine kovok. Aurou.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

Jems 2:1

Sipmi. Ngawai ke umu lang-ane. Aitno lite dagar ke Ida Puda Yesus Krais. Iye Ida Puda ka plau wan itau lokono ka omur heven ina. Deka itodue elio kene vala ke osep ka pula keniye. Itodue elio kene ke osep leklou e elio silang ke osep leklou blang kovok. Aurou.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

Pas ka Jut sogoe 1:25

Ida Tapolngon ka Ida Luangan kene vala dong e lua ite ke udo elio epmes ina batne ke Ida Puda Yesus Krais. Ma itakakai angaine tito la egim. Iye Ida Plaungan ina e ila arit ombatno deka wan ka pula keniye dong moli ke iye. Oglou oglou ari iye dong e eknikane iye dong blang deka mase ma iye dong vala dong blang. Lokono.