Jon 5:42 - Aria New Testament

⁴² E ngaile umu. Ngaile ke aitno lumu umu lana umu ke Ida Tapolngon kovok.

Jon 5:42 ပူးပေါင်းရင်းမြစ်များ

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Jon 2:25

E iye ile wansua ka dong ke osep aitno lisak kodong. E ke batne langane gute kene dong ma lua iye ma iye ile osep urok elio kovok.

Jon 21:17

Deka Yesus pmi iye aling eklu ina langane. “Saimon wom ka Jon otno arang wom lana wom ke ngong?” E Pita aitno soulu kesua iye pmi iye aling eklu ina langane. “Wom lana wom ke ngong?” E Pita koli wai langane. “Ee. Ngau Puda emile wan ka pula keniye e emile ngong lana ngong ke wom.” Deka Yesus wai ke iye langane. “Emkere lou osep ka isak langka sipsip itau.”

Jon 5:41

“Ngame ma osep tikakai angain ngong kovok.

Jon 5:43

Ngame e ngadidi Livou aitno e umepli ngong. E langka gute gesa didi iye tona aitno e me ke umu ma umodue e ma aitno lumu itau ke iye.

Jon 5:44

Umawaiki osep leklou tikakai angainmu e dau umawaiki Ida Tapolngon kakai angainmu kovok. Lange ka aitno lumu karanga la dagar ke Ida Tapolngon alo ka umodue elio langare?

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Jon 8:47

Osep ka isak Ida Tapolngon ila osep tiklingen ila pelengon. E umoklingen ila pelengon kovok kesua umu ila osep kovok.”

Jon 8:55

Lama umeile iye kovok ngong ngaile iye. Langka ngawai ngaile iye kovok ngong gute yakngan ina langka umu. E ngaile iye e ngadidi iye e ngaini ila pelengon.

Pas ka Pol sogoe uti la ke osep Rom ina 8:7

E osep ka elio epmes ina plau isak vala isak Ida Tapolngon ina oul. Kesua tidar ila pelengon e tididi aitno lisak vala. Osep ka langane tidar ila pelengon vala e tikaranga tididie kovok.

1 Jon 2:15

Umu lana umu ke elio bitna bitna koke wan bitna bitna ka taklak ina kovok. Kesua gute ka iye lana iye ke elio bitna bitna ka taklak ina iye lana iye ke Pmada kovok.

1 Jon 3:17

E langka gute gesa dong ka ila wan dong ke iye ka lua iye ke taklak ane. E iye vati ila aten gesa ka wan opru iye kesua ila wan isuk boto vala deka iye pono aitno ke gute tonari. Deka iteile elio ka Ida Tapolngon lana iye ke osep dong ke gute tonari aitno kovok.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”