Jon 5:39 - Aria New Testament

³⁹ Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Jon 5:39 ပူးပေါင်းရင်းမြစ်များ

Matyu 22:29

E Yesus koli wai ke isak langane. “Umeile Ida Tapolngon ila pelengon kovok e umeile ila arit kovok e ke batne ane aitno lumu kaka ine.

Mak 10:3

Deka Yesus koli wai ke urok pmingen langane. “Pelengon dagar ka oglou Moses sogoe e kare ke umu wai lange ine?”

Mak 12:10

Deka Yesus wai blang langane. “Lange? Umeritim Ida Tapolngon ila pelengon ka gute napaprangan ina gesa sogo ine koke aurou? Iye sogo langane. ‘Osep ka tiuri ninu tipli opmu are. E dau opmu are iye opmu mgongon ina ka due opmu leklou ka tiuri ninu ine tinepir pulu.

Luk 16:29

E Abraham koli wai ke iye langane. ‘Aurou. Moses ila sogongon e osep napaprangan ina urok sogongon dong. Ma tiklingen ke isak.’

Luk 16:31

E Abraham wai ke iye langane. ‘Aurou. Langka tiklingen Moses ila sogongon e osep napaprangan ina urok sogongon kovok ma tiklingen e tididi gute ka poga tito ke ina denga ila pelengon kovok blang.’”

Luk 24:25

Deka Yesus wai ke isak langane. “Umu kaka lokono e aitno lumu la dagar suong ke pelengon ka oglou osep napaprangan ina tiwai ine kovok.

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Jon 1:45

Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Jon 5:32

E gute silang palongo lumu ke ngong e ngaile wan ka iye wai ine ke ngong iye pelengon lokono.

Jon 5:36

“E wan ka mole pelengon ka Jon wai ine palongo osep ke ngong. Kesua bokongon ka Livou kare ke ngong ma ngadue io bokongon tonari palongo osep ke elio ka Livou pagei ngong ngame.

Jon 5:40

E dau umepli ngong e umawaiki aitno lumu la dagar ke ngong ma umodue mosongon ka dong vala dong kovok.”

Jon 5:46

Kesua langka aitno lumu dagar ke wan ka Moses wai ine ma aitno lumu la dagar ke ngong blang kesua iye sogo ke ngong. E aurou. Aitno lumu dagar langane kovok.

Jon 7:52

Deka tikoli tiwai ke iye langane. “Wom blang gute Galili ina? Amnana ke Ida Tapolngon ila pelengon e ma emile gute napaprangan ina gesa me ke omur Galili kovok.”

Aposel 13:27

Oglou osep ka tidong ke Jerusalem tigosok osep ngongle tile omur ke osep napaprangan ina urok sogongon lana ine kovok. Sabat aling aling tiritim sogongon tonari e tile lana ine kovok. Lama tile ine kovok urok elio ka tisin elio vri ke Yesus didi osep napaprangan ina urok sogongon. Deka sogongon tonari polou lokono.

Aposel 17:11

Osep Yuda ina ka tidong ke Beria urok elio mole osep Yuda ina ka tidong ke Tesalonaika urok elio. Kesua tiklingen Ida Tapolngon ila pelengon deka tikis dagar lokono ine. Ari oklou aling aling tiklingen Pol orwo Sailas urok pelengon e tiwade kap Ida Tapolngon ila pelengon ma tile omur urok pelengon lokono koke aurou.

Aposel 26:27

Deka Pol wai ke gute Agripa langane. “Gute Agripa ka emvri mgo ke omur gesa aitno lugom dagar ke osep napaprangan ina urok pelengon koke aurou? Ngaile aitno lugom dagar ine.”

Pas ka Pol sogoe uti la ke osep Rom ina 1:2

Oglou kodong Ida Tapolngon wai promis ma ila omon tonari polou lokono. Oglou iye due osep napaprangan ina aitno lisak deka tisogo ine ke buk gesa ke Ida Tapolngon ila pelengon ka itau lokono.

Pas ka Pol sogoe uti la ke osep Rom ina 3:2

Umoklingen. Osep Yuda ina urok elio leklou mole osep ka pula keniye urok elio leklou. Elio kene ina langane. Oglou ari Ida Tapolngon kar ila pelengon ke osep Yuda ina ma tiplaue itau.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 11:35

Apmang leklou aitno lisak dagar ke Ida Tapolngon deka iye due urok osua ka timete kodong tipoga titito ke inarak denga. E osep soulu tidue osep leklou tisep ke kalabus e tidue agegeng ke pampamu lisak ma timete ine. E tiwai lisak langka tipul dogur ke Ida Tapolngon ma tisongon isak ke kalabus. E tipul dogur ke Ida Tapolngon kovok kesua tile langka timete deka Ida Tapolngon ma due isak tipoga titito e tidong blang. E urok mosongon ari ma dong itau lokono.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”