Jon 5:37 - Aria New Testament

³⁷ E Livou ka pagei ngong ngame iye tona palongo osep ke ngong blang. E umoklingen kreine kovok e umavati iye kovok.

Jon 5:37 ပူးပေါင်းရင်းမြစ်များ

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Mak 1:11

E iye klingen Ida Tapolngon wai ke omur heven langane. “Wom Erigu Arang lokono ka ngong lana ngong ke wom omba. Aitno lungong itau lokono ke wom.”

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 15:24

Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 5:32

E gute silang palongo lumu ke ngong e ngaile wan ka iye wai ine ke ngong iye pelengon lokono.

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 8:18

Ngawai ke lou elio e Livou ka pagei ngong ngame wai ke lou elio blang.”

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

1 Timoti 6:16

Iye kene vala dong oglou lila me e iye karanga mete kovok. Iye dong ke bublungon ka ombatno lokono e itakaranga itala olwo ke iye kovok. Ke oglou gute gesa vati iye kovok. E eknikane blang gute gesa karanga vati iye kovok. Deka aling aling ite ka pula keniye ma itakakai angaine e ma ila arit ka ombatno lokono dong. Lokono.

1 Jon 4:12

Gute gesa vati Ida Tapolngon kovok. E langka ite lana ite pulu Ida Tapolngon dong kap ite e elio ka iye lana iye ke osep polou dagar ke aitno lite.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

1 Jon 5:9

Alo ka gute gesa wai ke ite ke wan gesa aitno lite la dagar ke ila pelengon. E pelengon ka Ida Tapolngon wai ine mole osep urok pelengon. E pelengon ka Ida Tapolngon wai ine kodong la ke Otno Arang.