Jon 5:18 - Aria New Testament

¹⁸ Osep Yuda ina tiklingen Yesus ila pelengon deka isak arit isak ma tidue burwa ke iye. Tiwaiki tidue burwa ke iye kesua iye dar oklou sabat ina pelengon dagar vala kovok. Aurou. Iye sir Ida Tapolngon Timla blang e pelengon ane langka iye wai iye tona eriar langka Ida Tapolngon.

Jon 5:18 ပူးပေါင်းရင်းမြစ်များ

Matyu 12:5

Umeile Moses ila sogongon songon osep loulou ina tiboko ke Ida Tapolngon ila ninu ke oklou sabat. E gute gesa wai tidar Moses ila sogongon ka wai ke oklou sabat kovok.

Jon 1:19

E osep Yuda ina ka tidong ke Jerusalem tipagei osep loulou ina leklou e osep Livai ina leklou isak kla ke Jon ma tiwai ke iye ma tile iye gute ka lange. E Jon ila pelengon ane.

Jon 10:30

Ngong e Livou imi eriar vala.”

Jon 10:33

E tikoli tiwai ke iye langane. “Imawaiki imouri opmu ke wom ke elio arit ina ka omdue kovok. Aurou. Imawaiki imodue langane kesua amwai soulu ke Ida Tapolngon. Wom gute vala e amwai wom eriar langka Ida Tapolngon.”

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 19:7

Deka osep Yuda ina tikoli tiwai langane. “Limem pelengon dagar dong ka wai gute ane ma mete. Kesua iye wai iye Ida Tapolngon Otno Arang.”

Jon 5:15

Deka gute la e palongo osep Yuda ina Yesus iye gute ka due polou itau blang.

Jon 5:16

E osep Yuda ina tidue agegeng ke Yesus kesua batne iye due elio langare ke oklou sabat.

Jon 5:17

Deka Yesus wai ke isak langane. “Aling aling Livou due elio langane e ngong blang ngadue langane.”

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Jon 7:1

Mase Yesus lila ke omur omur ke omur Galili e iye la ke omur Judia kovok kesua osep Yuda ina ka tidong ke omur are tiwaiki tidue burwa ke iye.

Jon 7:19

“Oglou Moses kar ila sogongon ke umu e dau gute kene ke umu didi sogongon tonari kovok. Ina lange umawaiki umodue burwa ke ngong?”

Jon 8:54

E Yesus koli wai ke isak langane. “Langka ngong tona ngakakai angain ngong deka angain ngong omba kovok. E ngadue langane kovok. Livou ka umawai iye Upu Tapolngon kakai angain ngong tito la egim.

Jon 8:58

E Yesus koli wai ke isak langane. “Ngawai lokono ke umu langane. Oglou alo ka Abraham tna dau divir iye kovok ngong Gute Ka Ngadong Kodong ngadong.”

Filipai 2:6

Yesus tona iye Ida Tapolngon e dau aitno mter langka iye kis dagar ke elio ka iye dong eriar langka Ida Tapolngon ka Pmada kovok. Aurou.

Pelengon kukwopngon 22:1

Deka ensel tonari nis ngong ke aki ka suong e langka osep tinim aki tonari tidue mosongon itau ine. E aki tonari malak langka glas. Aki tonari polou ke kova ka Ida Tapolngon e Sipsip Otno tidong ine e suong la.

Pelengon kukwopngon 22:3

Deka wan gesa ka Ida Tapolngon aitno itau ine kovok dong ke armok kovok. E kova ka Ida Tapolngon kap Sipsip Otno tidong ine dong ke armok e Ida Tapolngon ila osep bokongon ina tilotuim iye.