Jon 4:48 - Aria New Testament

⁴⁸ E Yesus wai ke iye langane. “Langka umavati elio arit ina ka nisngen kovok ma aitno lumu la dagar ke Ida Tapolngon kovok.”

Jon 4:48 ပူးပေါင်းရင်းမြစ်များ

Matyu 16:1

E Osep Farisi ina e osep Sadyusi ina time ke Yesus e tiwaiki titok iye deka tipmi iye ma iye due nisngen ka omur heven ina.

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 27:42

“Iye lua osep leklou e iye karanga lua iye tona kovok. Iye gute ka vri mgo ke osep Israel ina i? Ma iye duru ke ina akai deka ma aitno lite la dagar ke iye.

Mak 13:22

Ma osep yakngan ina time tiyak osep langka isak Krais lokono. E ma osep yakngan ina leklou time tiyak osep langka isak osep napaprangan ina lokono. Ma tidue elio arit ina e nisngen leklou kesua batne tiwaiki tipagolgol osep aitno lisak ka Ida Tapolngon rere isak ila osep.

Luk 10:18

Deka Yesus wai ke isak langane. “Oglou ngavati Satan gene ke omur heven eriar langka aragu egle duru ke taklak.

Luk 16:31

E Abraham wai ke iye langane. ‘Aurou. Langka tiklingen Moses ila sogongon e osep napaprangan ina urok sogongon kovok ma tiklingen e tididi gute ka poga tito ke ina denga ila pelengon kovok blang.’”

Jon 12:37

E lama iye due elio arit ina ka nisngen pula ke osep amtarsak dau aitno lisak la dagar ke iye kovok.

Jon 15:24

Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 2:18

Deka osep Yuda ina tiwai ke iye langane. “Omdue elio arit ina ka nisngen lange ma nis imi lem arit dong ma amkaranga omdue elio ane?”

Jon 20:29

E Yesus wai ke iye langane. “Aitno lugom dagar kesua amvati ngong. E osep ka tivati ngong kovok e dau aitno lisak dagar ke ngong aitno lisak itau itau.”

Jon 4:49

Deka gute gavman ina koli wai langane. “Gute namor. Oku ane omo omsuong lama erigu arang mete.”

Aposel 14:3

­Pol orwo Barnabas tidong tauni ke Aikoniam e tiwai dagar pula ke osep ari. Alo ari Ida Puda lua isak ke ila arit deka tilua osep pula ke elio arit ina. Deka osep pula tivati elio arit ina tonari e tile omur ine e tiwai langane. “Urok pelengon ka la ke Ida Tapolngon ila makaingan pelengon lokono.”

Aposel 15:12

Osep keniye ka tidong ke duningen tikoli Pita ila pelengon kovok e tidong vala. Deka Pol orwo Barnabas tipalongo osep tonari ke nisngen e elio arit ina ka Ida Tapolngon lua isak ine ka tidue airavu ke osep ka isak osep Yuda ina kovok.

Aposel 2:19

Deka ma ngadue nisngen ke omur ka egim e ke omur ka moli deka ma umavati nisngen langka eiou e langka marau e langka eiou asuine omba.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Aposel 2:43

Alo ari osep aposel tidue elio arit ina pula e osep keniye ka tivati tidigrik ine.

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

Aposel 5:12

Alo ari osep ka aitno lisak dagar ke Yesus tiduni pulu ke opos ka osep tisire Solomon ila opos. Deka ari osep aposel tidue elio arit ina ka nisngen pula ke osep amtarsak.

Aposel 6:8

Ari Ida Tapolngon ila makaingan dong ke Stiven e ila arit due. Deka Stiven due elio arit ina pula airavu ke osep.

Aposel 7:36

Moses mgo ke osep Israel ina deka iye paur isak tisongon omur Isip. Alo ari iye due elio arit ina ke omur Isip e ke aki Edimor deka ke omur ka dong adai vala la lama iding ke tobor isapanal mela yagos.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

1 Korin 1:22

Langka osep Yuda ina tiwaiki tivati elio arit ina ka nisngen. E langka osep Grik ina tiwaiki tidue ilengen bitna bitna.

2 Korin 12:12

Oglou alo ka ngadong kap umu ngadue wan pula ka nis umu ngong gute aposel lokono. Ngadong dagar ke lou bokongon e ngadue elio arit ina e elio bitna bitna ka osep tikaranga tidue kovok.

2 Tesalonaika 2:9

Ida Tapolngon ina oul kene ina ma polou malak e Satan ma lua iye ke ila arit. E ke Satan ila arit iye due elio arit ina bitna bitna ka yakngan ina e ma iye yak osep pula ine.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.