Jon 4:41 - Aria New Testament

⁴¹ E tiklingen ila pelengon deka osep pula leklou aitno lisak la dagar ke iye.

Jon 4:41 ပူးပေါင်းရင်းမြစ်များ

Luk 4:32

E tidigrik ke ila parerengen kesua ila pelengon ina arit dong ine.

Jon 4:40

E alo ka tipolou ke iye tiwai dagar ma iye dong kap isak. E iye dong kap isak oklou orwo.

Jon 4:42

E tiwai ke apmang tonari langane. “Oku ane aitno limi dagar ke iye batne ke lem pelengon vala kovok. Aurou. Eknikane imi tona imeklingen ila pelengon e imeile lokono gute ane iye gute Krais ka Ida Tapolngon rere ma iye lua osep ka tidong ke taklak ke urok elio epmes ina.”

Jon 6:63

Ano Itau kar mosongon oku ke osep e pampamu lite karanga lua ite ke mosongon oku kovok. Lou pelengon ane ka ngawai ke umu due Ano Itau sep ke aitno lumu deka umodue mosongon ka dong vala dong.

Jon 7:46

E tikoli tiwai ke isak langane. “Oglou imeklingen gute silang wai pelengon itau langka iye wai kovok.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 15:3

Ida Tapolngon ila osep ka tidong ke Antiok tipagei osep tonari kla ke Jerusalem. E tisongon Antiok e tididi ekreng e tilila ke omur Fonisia e omur Samaria. Ari tipalongo osep ka tidong ke omur orwo tonari ke elio ka osep ka isak osep Yuda ina kovok tipul dogur ke urok elio epmes ina e aitno lisak la dagar ke Ida Tapolngon. Osep ka aitno lisak dagar ke Yesus kodong tiklingen ine e aitno lisak neser ine.

Aposel 8:12

Mase Filip napapra pelengon itau ka la ke omur ka Ida Tapolngon ma plaue e Yesus Krais ila omon itau blang ke isak. Deka ari osep arang e apmang pula aitno lisak la dagar ine deka tidue elio paunimngen ina.

Aposel 8:25

Pita orwo Jon tinapapra Ida Puda ila pelengon ke osep Samaria ina yagos deka tisongon omur Samaria e tibauluk ke Jerusalem. Alo ka isak dau tididi ekreng ke omur Samaria tinapapra Yesus ila omon itau ke armok pula.

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.