Jon 4:34 - Aria New Testament

³⁴ E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 4:34 ပူးပေါင်းရင်းမြစ်များ

Matyu 26:39

E iye la isuk boto e munu ke taklak e bitna pes taklak e iye wai itau langane. “Livou langka empi elio soulu ka osep ma tidue ke ngong are itau e dau ngawaiki ngadidi aitno lungong kovok e ngawaiki ngadidi aitno lugom vala.”

Matyu 3:15

E Yesus koli wai langane. “Omsongone ke oku ane kesua ke elio ane itodue wan ka didi Ida Tapolngon ila elio ka itau e osuk.” Deka Jon didi ila pelengon e paunim Yesus.

Matyu 9:19

E Yesus gosok ila disaipel titito kla kap gute tonari.

Luk 15:10

Ngawai ke umu langane. Eriar langane Ida Tapolngon ila ensel ma tiketir alo ka gute epmes ina kene bauluk aitno.”

Luk 19:10

E Gute Ka Polou Langka Osep me ke taklak ma iye krim e lua osep ka timina ke urok elio epmes ina.”

Luk 2:49

E iye koli wai ke isak langane. “Ina lange umekrim ke ngong? Umeile ngong ma ngadong ke Livou ila ninu kovok i?”

Jon 17:4

Nganis osep ke lem elio itau lokono e lem arit ka omba ke taklak ane e ngababrum bokongon ka amkare ke ngong kodong.

Jon 19:28

E Yesus mana ke ina akai e ile wan ka pula keniye ka Ida Tapolngon waiki iye due isak yagos kodong. E ma Ida Tapolngon ila pelengon ka oglou gute napapra-ngan ina gesa sogoe polou lokono iye wai langane. “Kre lungong kakrak e ngawaiki nga­inim aki.”

Jon 19:30

Alo ka Yesus inim aki wain ka meli iye wai langane. “Lou bokongon yagos.” Deka apna duru e iye mete.

Jon 4:32

E iye koli wai ke isak langane. “Ngau ngangon dong ka ngangene ka umeile ine kovok.”

Jon 5:30

“E ngong tona ngakaranga ngadue wan gesa ke lou arit kovok. Eriar langka ngaklingen Ida Tapolngon wai deka ngawade osep ke pelengon tonari. E lou wadengen itau e osuk kesua ngawaiki ngadidi aitno lungong kovok e ngadidi Ida Tapolngon ka pagei ngong ngame aitno vala.

Jon 5:36

“E wan ka mole pelengon ka Jon wai ine palongo osep ke ngong. Kesua bokongon ka Livou kare ke ngong ma ngadue io bokongon tonari palongo osep ke elio ka Livou pagei ngong ngame.

Jon 6:33

Kesua bret ka me ke Ida Tapolngon duru me ke omur heven e kar mosongon ka dong vala dong ke osep ka tidong ke taklak.”

Jon 6:38

Kesua ngaduru ngame ke omur heven ma ngadidi aitno lungong kovok. Aurou. Ngame ma ngadidi gute ka pagei ngong ngame aitno vala.

Jon 8:29

E gute ka pagei ngong ngame dong kap ngong e songon ngong ngadong ngong kenngong vala kovok. Aurou. Iye dong kap ngong kesua aling aling ngadue elio ka due aitno itau ine.”

Aposel 20:35

Lou bokongon keniye nis umu langka itoboko dagar itakaranga itolua osep ka tikaranga tilua isak tona kovok. Omtomu sisir Ida Puda Yesus wai langane. ‘Langka osep tikar ite wan aitno lite neser isuk boto ine. E langka itosoro wan ke osep e batne kovok aitno lite neser omba ine.’”

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.