Jon 4:29 - Aria New Testament

²⁹ Iye wai ke isak langane. “Osep umomo e umavati gute ka wai ke ngong ke wan ka pula keniye ka oglou ngadue. Gute ane iye Krais ka Ida Tapolngon rere ma iye lua osep ke urok elio epmes ina koke aurou?”

Jon 4:29 ပူးပေါင်းရင်းမြစ်များ

Matyu 12:23

E osep pula pula tidigrik e tiwai langane. “Gute ane gute ka osep tisir iye Devit Otno Arang koke aurou?”

Jon 4:25

Deka apmang wai ke iye langane. “Ngaile Mesaia ka Krais ka iye gute ka Ida Tapolngon rere ma iye lua osep ke urok elio epmes ina ma me e alo ka iye polou ma iye palongo udo malak ke wan bitna bitna keniye.”

Jon 4:28

Deka apmang songon aki tarna dong are e la iding ke armok e wai ke osep.

Jon 4:30

Deka tisongon armok e tilila kla ke Yesus.

Jon 4:39

Osep Samaria ina pula ka tidong ke armok are aitno lisak la dagar ke Yesus kesua tiklingen apmang ila pelengon ka langane. “Iye wai ke ngong ke wan ka pula keniye ka oglou ngadue.”

Jon 7:26

Umavati. Iye dong ane e wai ke osep pula amtarsak e osep tiwai ke iye kovok. Aitno lumu lange? Osep kaunsil ina aitno lisak mter gute ane gute Krais ka Ida Tapolngon rere ma iye lua osep ke urok elio epmes ina koke aurou?

Jon 7:31

E osep pula ka tidong are aitno lisak la dagar ke iye. E tiwai langane. “Alo ka gute Krais me ma iye due elio arit ina ka nisngen ka mole wan ka gute ane due koke aurou?”

Pelengon kukwopngon 22:17

Ano Itau kap apmang ka Sipsip Otno ila asap isak orwo tiwai langane. “Umomo.” E osep ka tiklingen pelengon ane tiwai langane blang. “Umomo.” Gute ka aki vel iye ma iye me. E gute ka waiki inim iye ma me inim aki ka mosongon ina ka Ida Tapolngon kare ke iye adai.