Jon 4:14 - Aria New Testament

¹⁴ E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 4:14 ပူးပေါင်းရင်းမြစ်များ

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 5:6

“Osep ka isak arit isak ma tidue elio ka osuk vala ke Ida Tapol-ngon bitna aitno lisak itau itau kesua ma tigot ke Ida Tapolngon ila wan.

Jon 10:10

E gute panakongon ina me ma iye panako wan e due burwa ke osep e due agegeng ke osep vala. E ngame ma osep tidue mosongon ka dong vala dong e mosongon tonari due wan itau bon ke isak.”

Jon 11:26

E gute ka dong e aitno dagar ke ngong ma iye mete kovok. Aitno lugom dagar ke lou pelengon ane?”

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 4:11

E apmang wai ke iye langane. “Gute. Aki ina ovuk ane duru moli e lem wan ka omdue aki ine dong ke wom kovok. Omdue aki ka mosongon ina ka amwai ine ke omur ge?

Jon 4:13

Deka Yesus koli wai ke iye langane. “Gute sei ka inim aki ane ma aki vel iye blang.

Jon 4:36

E oku ane osep ka tipi ngangon tidue inarak klingen ine kodong e titagom wan ma tidue urok mosongon ka dong vala dong. Ma osep ka tiusak wan e osep ka tipi wan tonari aitno lisak neser pulu.

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 6:35

Deka Yesus wai ke isak langane. “Ngong bret ka kar mosongon ke osep. Gute sei ka me ke ngong ma sapanga due kovok e gute sei ka aitno la dagar ke ngong ma aki vel iye kovok.

Jon 6:58

Ane bret ka duru me ke omur heven. Ane langka lumu seia tingene ke omur ka dong adai vala kovok. Tingen bret are e mase timete. E gute sei ka ngen bret ane ma due mosongon ka dong vala dong.”

Jon 7:37

Oklou ka rogo omba yagos ine iye oklou omba ke rogo tonari. E Yesus vri e wai omba langane. “Langka aki vel gute ma iye me ke ngong e inim.

Pas ka Pol sogoe uti la ke osep Rom ina 5:21

Oglou elio epmes ina kading itosep e itosep keniye itemete ine. E eknikane Ida Tapolngon ila makaingan due ite e kading ite. E Ida Tapolngon due ite itopolou itau e osuk ke bitna. Deka udo mosongon ka itau lokono ina yagosngon kovok batne ke Ida Puda Yesus Krais dong.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

2 Korin 1:22

Iye due ila nisngen ke ite ka nis osep ite ila osep ite e iye kar Ano Itau ke ite ka dong ke aitno lite. Deka iteile omur ma iye kar wan ka itau lokono ke ite kesua Ano Itau dong ke aitno lite.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 7:16

Ma sapanga due isak blang kovok e ma aki vel isak blang kovok. Oklou ma vel isak e due tarna lisak polou engil lokono kovok.

Pelengon kukwopngon 7:17

Kesua Sipsip Otno ka dong olwo boto ke kova ma dong langka inarak plaungan. Ma iye paur isak kla ke ovuk ka aki novlukvluk polou ine. Aki tonari kar isak mosongon itau. E Ida Tapolngon ma sak amtarsak olune ma tikngis blang kovok.”