Jon 4:10 - Aria New Testament

¹⁰ E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 4:10 ပူးပေါင်းရင်းမြစ်များ

Luk 11:13

Umu osep ka umodue elio soulu e dau umakar wan itau ke otopmu. Deka Pmomu ka dong ke omur heven ma mole lumu elio tonari e kar Ano Itau ke osep ka tipmi iye ine.”

Jon 16:3

E ma tidue langane batne langane. Oglou tile Livou kovok e tile ngong kovok blang.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 6:35

Deka Yesus wai ke isak langane. “Ngong bret ka kar mosongon ke osep. Gute sei ka me ke ngong ma sapanga due kovok e gute sei ka aitno la dagar ke ngong ma aki vel iye kovok.

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Aposel 9:11

Deka Ina Puda palongo ila langane. “Emtito amla ke ekreng ka osep tisire ekreng Osuk e ma ompolou ke gute Judas ila ninu deka empmi iye langane. ‘Gute Sol ka armok Tarsus ina dong ge?’ Empmi iye ine kesua Sol dong ke ninu tonari e wai itau ke ngong.

Pas ka Pol sogoe uti la ke osep Rom ina 8:32

Oglou Ida Tapolngon dangdang Otno Arang Yesus ke itosep kovok. Aurou. Iye pagei Yesus me polou ke ite ma iye kere itosep ka pula keniye ke elio itau lokono. E aitno lumu lange? Ida Tapolngon lua ite ke Yesus kodong deka mase ma iye songon ite? Ma iye lua ite kovok? Aurou. Ma iye lua ite itau lokono vala. Ila luangan dong vala dong ke ite.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 10:4

E tinim aki ka Ida Tapolngon Ano Itau kare ke isak blang. Tinim aki ka me ke Ano Itau ka baser ke opmu. Kesua Ano Itau kla kap isak. Opmu tonari ka tinim aki ka polou ine iye Krais.

2 Korin 9:15

Ida Tapolngon ila makaingan ke ite itau lokono e udo pelengon karanga wai ine kovok. Ma itawai tenkyu ke Ida Tapolngon e itakakai angaine tito la egim ine.

Efesus 2:8

Ida Tapolngon lua umu ke lumu elio epmes ina kesua batne ke ila makaingan ka dong ke iye tona. Iye lua umu ke lumu elio epmes ina kesua aitno lumu la dagar ke Krais. E iye lua umu kesua batne ke elio kene gesa ka umodue kovok. Aurou. Iye didi aitno e lua umu adai vala. Deka umakaranga umakakai angainmu ine kovok.

Hibru 6:4

Langka osep aitno lisak kis dagar ke Ida Tapolngon ila pelengon kodong e mase tipul dogur ine ma tididi ekreng ka lange ma tibauluk tididi pelengon tonari blang? Kesua Ida Tapolngon nis isak ke ila wan ka itau ka omur heven ina e tile omur ke Ano Itau ila bokongon kodong.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 21:6

Deka iye wai ke ngong blang langane. “Wan bitna bitna keniye tipolou yagos. Ngong kenngong ngadong oglou oglou ari lokono e ma ngadong batne lokono. Ngatapol wan keniye e ngadue isak yagos blang. Langka aki vel osep ma ngakar aki ke isak adai. Aki ka polou ke ovuk ka aki ka mosongon ina polou ine. E ma tiklie kovok.

Pelengon kukwopngon 22:17

Ano Itau kap apmang ka Sipsip Otno ila asap isak orwo tiwai langane. “Umomo.” E osep ka tiklingen pelengon ane tiwai langane blang. “Umomo.” Gute ka aki vel iye ma iye me. E gute ka waiki inim iye ma me inim aki ka mosongon ina ka Ida Tapolngon kare ke iye adai.

Pelengon kukwopngon 7:17

Kesua Sipsip Otno ka dong olwo boto ke kova ma dong langka inarak plaungan. Ma iye paur isak kla ke ovuk ka aki novlukvluk polou ine. Aki tonari kar isak mosongon itau. E Ida Tapolngon ma sak amtarsak olune ma tikngis blang kovok.”