Jon 4:1 - Aria New Testament

¹ E Ida Puda ile osep Farisi ina tiklingen omon langka iye paunim osep pula e tipolou ila disaipel e inarak sasa mole Jon ila disaipel inarak sasa.

Jon 4:1 ပူးပေါင်းရင်းမြစ်များ

Luk 1:76

E wom erigu ma osep tisir wom gute napaprangan ina ke Ida Tapolngon ka dong egim lokono. Wom ma mgo ke Ida Puda e kere ila ekreng.

Luk 19:31

E langka gute gesa pmi umu ke batne lange umekles donki otno umokoli umawai ke iye langane. ‘Ida Puda waiki dong ine e la ke ila langan.’”

Luk 19:34

Deka tikoli tiwai ke iye langane. “Ida Puda waiki dong ine e la ke ila langan.”

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Luk 7:13

E alo ka Ida Puda vati apmang aitno kro ke iye e wai ke iye langane. “Emkngis kovok.”

Luk 7:19

E Jon gi ila disaipel gesa orwo e pagei isak ke Ida Puda. Ma tipmi iye langane. “Wom gute ka imapara ke iye ma iye me koke ma imekrim ke gute silang?”

Jon 3:22

Mase Yesus kap ila disaipel tipolou ke omur Judia e tidong sasi boto e Yesus paunim osep.

Jon 3:26

Deka isak kla ke Jon e tiwai langane. “Rabai gute ka amwai ke osep ine alo ka iye dong kap wom ke aki Jordan burla iye paunim osep blang. E osep pula pula isak kla ke iye.”

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

1 Korin 1:17

Krais pagei ngong ma ngapaunim osep kovok. Aurou. Iye pagei ngong ke osep ma nganapapra Ida Tapolngon ila omon itau ke isak. E ngadidi ilengen ke taklak ina deka nganapapra ine kovok lama osep aitno lisak mter ke Krais ina metengen ke ina akai kovok.

1 Korin 15:47

Gute ka mgongon ina iye gute taklak ina kesua Ida Tapolngon due taklak e kapo gute ine. E gute ka orwo ina iye gute omur heven ina.

1 Korin 2:8

E pelengon tonari langka osep leklou ka tivri mgo ke ite ke taklak ane urok kovok. Aurou. Io langka tile omur ine ma tidue Ida Puda iye mana ke ina akai kovok. Iye Ida Puda ka ila arit e ila bublongon ombatno.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

Jems 2:1

Sipmi. Ngawai ke umu lang-ane. Aitno lite dagar ke Ida Puda Yesus Krais. Iye Ida Puda ka plau wan itau lokono ka omur heven ina. Deka itodue elio kene vala ke osep ka pula keniye. Itodue elio kene ke osep leklou e elio silang ke osep leklou blang kovok. Aurou.

Pelengon kukwopngon 19:16

E ngavati sogongon dong ke ila molo ka alang e ke eser ine. Sogongon tonari angaine silang ka langane. Gute Ka Vri Mgo Ka Plau Osep Ka Pula Keniye Ka Tivri Mgo Ke Omur Omur e Ida Puda Ka Plau Osep Inarak Puda Ka Pula Keniye.