Jon 3:5 - Aria New Testament

⁵ E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Jon 3:5 ပူးပေါင်းရင်းမြစ်များ

Matyu 18:3

Deka iye wai ke isak langane. “Ngawai lokono ke umu langane. Langka umabauluk aitno lumu e aitno lumu tipolou langka agau ane kovok umakaranga umesep ke omur ka Ida Tapolngon plaue kovok.

Matyu 19:24

Ngawai ke umu blang langane. Langka ongwa omba langka kamel waiki sep ke bitna ke nil sisirngen ina are langka gute ka ila mani pula waiki sep ke omur heven ka Ida Tapolngon plaue. Isak orwo engil lokono.”

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Matyu 5:20

Ngawai lokono ke umu langane. Langka lumu elio itau ke Ida Tapolngon bitna e mole osep Farisi ina e osep ka tile itau ke Moses ila sogongon urok elio kovok ma umesep ke omur heven ka Ida Tapolngon plaue kovok.”

Mak 10:14

E alo ka Yesus vati elio ka ila disaipel tidue aitno engil ine. Deka iye wai ke isak langane. “Umosongon osep ka tipaur titorok tiwaiki time tipolou ke ngong e umadangdang isak ine sakam. Kesua osep ka tidong ke omur ka Ida Tapolngon plaue tidong eriar langka agau ane.

Mak 16:16

Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel.

Mak 9:47

“Langka omtomu gesa due umu umodue elio epmes ina ine ma umepie la vala. Langka umepi omtomu kene la deka umodue elio epmes ina kovok batne iye dong kovok are itau. Kesua mase ma umodong ke omur ka Ida Tapolngon plaue deka ma lumu mosongon ka itau dong vala dong. E langka omtomu orwo tidong deka umodue elio epmes ina bitna bitna ine e mase umala umokluk ke omur hel are soulu lokono.

Luk 13:24

“Umu arit umu ma umesep ke ekreng bitna ka daudeng. Ngawai ke umu langane. Osep pula ma tiwaiki tisep ke ekreng bitna tonari e ma tikaranga kovok.

Luk 13:3

Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.

Luk 13:5

Ngawai ke umu langane. Aurou va. E langka umabauluk aitno lumu ke lumu elio epmes ina kovok umu blang ma umeimina.”

Jon 1:13

Tipolou Ida Tapolngon titno batne ke elio ka sipmarak e titnarak tikaranga tidivir titorok koke elio ka aitno lisak waiki due langane koke elio ka osep leklou aitno lisak waiki due langane kovok. Aurou. Tipolou titno batne ke Ida Tapolngon aitno vala.

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Jon 3:4

Deka Nikodemus wai ke Yesus langane. “Lange ka gute ka namor kodong karanga polou oku langka mimi edimor? Iye karanga sep ke mimi ila armok ke tna pele e tna divir iye blang kovok.”

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 3:19

Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 15:50

Sipmi. Ngawai ke umu lang-ane. Pampamu lite ka okur lisak e inarak marau dong lisak tikaranga tipolou okus. E tikaranga tidong ke omur ka Ida Tapolngon plaue kovok kesua wan ka tipolou okus tikaranga tidong ke omur tonari kovok.

1 Korin 2:12

E itodue ilengen ka taklak ane ina kovok. Aurou. Itodue Ano Itau ma iteile kerengen ka Ida Tapolngon kare ke ite.

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

Galesia 6:15

Elio ulangngan ina iye wan adai e elio ka gute gesa ulang merge kovok iye blang wan adai. Ida Tapolngon due ite itopolou oku ina e elio ane iye wan omba lokono.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

1 Pita 1:2

Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.

1 Jon 2:29

Umeile omur Krais dong itau e osuk. E osep ka tidue elio isuk isuk ka itau tipolou Ida Tapolngon ila osep kodong.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.