Jon 3:34 - Aria New Testament

³⁴ Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Jon 3:34 ပူးပေါင်းရင်းမြစ်များ

Matyu 12:18

“Umavati. Ngarere gute ane ma iye boko ke ngong. Ngong lana ngong ke iye e aitno lungong itau ke wan ka iye due. Ma ngakar iye Anngong e iye napapra osep ka pula keniye ke elio ka ma ngadue elio itau ke isak.

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 5:26

Eriar langka Livou iye mosongon oku batne iye kar ngong ka Otno Arang arit ma ngong blang ngong mosongon oku batne.

Jon 7:16

E Yesus koli wai ke isak langane. “Lou parerengen me ke ngong kovok e me ke gute ka pagei ngong ngame.

Jon 8:40

E oku ane ngawai pelengon lokono ke umu ka ngaklingen ke Ida Tapolngon e umawaiki umodue burwa ke ngong. E Abraham ila elio langane kovok.

Jon 8:47

Osep ka isak Ida Tapolngon ila osep tiklingen ila pelengon. E umoklingen ila pelengon kovok kesua umu ila osep kovok.”

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Kolosi 1:19

Ida Tapolngon didi aitno deka due ila elio bitna bitna keniye dong ke Otno Arang. Deka Ida Tapolngon ila elio keniye bon ke iye.

Kolosi 2:9

Umeile oglou Krais polou langka itosep e Ida Tapolngon ila elio keniye dong ke Krais e isak orwo eriar.

Pelengon kukwopngon 21:6

Deka iye wai ke ngong blang langane. “Wan bitna bitna keniye tipolou yagos. Ngong kenngong ngadong oglou oglou ari lokono e ma ngadong batne lokono. Ngatapol wan keniye e ngadue isak yagos blang. Langka aki vel osep ma ngakar aki ke isak adai. Aki ka polou ke ovuk ka aki ka mosongon ina polou ine. E ma tiklie kovok.

Pelengon kukwopngon 22:1

Deka ensel tonari nis ngong ke aki ka suong e langka osep tinim aki tonari tidue mosongon itau ine. E aki tonari malak langka glas. Aki tonari polou ke kova ka Ida Tapolngon e Sipsip Otno tidong ine e suong la.