Jon 3:21 - Aria New Testament

²¹ E osep seisei ka tididi Ida Tapolngon ka iye elio lokono batne e tidue elio itau time ke bublongon ma osep tile malak urok elio itau ka tidue polou batne tini Ida Tapolngon.”

Jon 3:21 ပူးပေါင်းရင်းမြစ်များ

Jon 1:47

Alo ka Yesus vati Nataniel me olwo boto iye wai langane. “Gute ane gute Israel ina lokono e elio yakngan dong ke iye kovok.”

Jon 3:20

Kesua osep ka pula keniye ka tidue elio soulu aitno lisak engil ke bublongon e ma time ke bublongon kovok lama bublongon nis osep ke urok elio soulu.

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

Galesia 6:8

E lana ine langane. Langka gute gesa usak wan ke aitno oglou ina ma aitno oglou ina due elio soulu polou ke iye tona aitno e ma due agegeng ke aitno. E langka iye usak wan ke Ano Itau ma Ano Itau due elio itau polou ke aitno e iye ma dong vala dong.

Efesus 5:9

Osep ka tidong ke bublongon tidue elio ka itau e urok pelengon keniye lokono vala.

Filipai 1:11

Deka Yesus Krais due elio ka itau e osuk polou ke umu e osep tivati lumu elio itau e tikakai Ida Tapolngon angaine tito la egim ine.

Filipai 2:13

Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 1:6

Langka itawai aitno lite kene pulu kap iye e dau itodue elio epmes ina bitna bitna deka itayak e itedidi pelengon ka lokono kovok.

3 Jon 1:11

Lou aten ka ngong lana ngong ke wom. Amkana elio soulu kovok. Aurou. Amkana elio itau vala. Kesua gute ka due elio itau vala iye Ida Tapolngon ila gute e gute ka due elio soulu iye ile Ida Tapolngon kovok.

Pelengon kukwopngon 3:15

Ngaile ke elio ka pula keniye ka umodue kodong. Ngaile umodong langka aitno lumu omba ke ngong kovok e dau umopul dogur ke ngong kovok. Ngawaiki aitno lumu omba ke ngong koke umopul dogur ke ngong.