Jon 3:19 - Aria New Testament

¹⁹ Elio ka Ida Tapolngon wade osep batne langane. Ida Tapolngon ila bublongon polou ke osep kodong e dau aitno lisak itau ke bublongon tonari kovok. Aurou. Aitno lisak itau ke aivoro kesua urok elio soulu lokono.

Jon 3:19 ပူးပေါင်းရင်းမြစ်များ

Luk 12:47

“Gute bokongon ina ka ile ina puda aitno e dau kere wan koke didi ina puda aitno kovok ma ina puda ules iye pula.

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Jon 1:4

E gute tonari iye mosongon batne e mosongon tonari langka osep ka pula keniye urok bublongon ka due isak tile omur itau.

Jon 1:5

E bublongon tonari bublo ke aivoro e aivoro karanga mole kovok.

Jon 12:31

E oku ane ma Ida Tapolngon wade osep ka pula keniye ke taklak urok elio. E ma iye sapir Satan ka plau taklak ane.

Jon 12:43

Tiwaiki osep tikakai angainsak e elio ane mole elio ka tiwaiki Ida Tapolngon kakai angainsak.

Jon 12:46

Ngame ke taklak ma ngadong langka bublongon ma gute ka aitno dagar ke ngong dong ke aivoro kovok.

Jon 5:44

Umawaiki osep leklou tikakai angainmu e dau umawaiki Ida Tapolngon kakai angainmu kovok. Lange ka aitno lumu karanga la dagar ke Ida Tapolngon alo ka umodue elio langare?

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Jon 7:7

Osep taklak ina aitno lisak engil ke umu kovok e aitno lisak engil ke ngong kesua ngawai malak ke isak ke urok elio soulu ka tidue.

Jon 8:12

E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Jon 9:5

Alo ka ngadong ke taklak ane ngadong langka bublongon ke osep ka tidong ke taklak.”

Pas ka Pol sogoe uti la ke osep Rom ina 1:32

Lama tile omur Ida Tapolngon wai osep ka tidue elio soulu tonari ma timete ine dau tidue. E silang blang langane. Aitno lisak neser ke osep ka tidue elio bitna bitna ka soulu eriar langka tidue.

Pas ka Pol sogoe uti la ke osep Rom ina 2:8

E osep ka aitno lisak vri ke isak e tipul dogur ke elio itau e tidue elio soulu vala ma Ida Tapolngon aitno engil ke isak. Ma aitno engil lokono ke isak e ila wadengen ma due isak.

2 Tesalonaika 2:12

Deka osep tonari aitno lisak la dagar ke pelengon ka lokono kovok e aitno lisak neser ke elio epmes ina vala. E Ida Tapolngon ma wade isak ine.

1 Pita 2:8

E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.