Jon 3:11 - Aria New Testament

¹¹ Ngawai ke wom lokono langane. Imawai ke wan ka imeile ine e imapalongo lumu ke wan ka imavati e dau umu osep ka aitno lumu dagar ke limem pelengon kovok.

Jon 3:11 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 23:37

“Aisudo. Osep Jerusalem ina umodue burwa ke osep napaprangan ina e umouri opmu ke osep ka Ida Tapolngon pagei isak ke umu ma timete ine. Aling pula ngawaiki ngagom umu ke ngong langka kwako gom titno ke pena bisna. E dau umawaiki umodue langane kovok.

Luk 10:22

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Jon 1:11

Iye me ke ila osua e aitno lisak itau ke iye kovok e tidue kovok.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 12:49

Ngadidi aitno lungong e ngawai kovok. Aurou. Livou ka pagei ngong ngame wai dagar ke ngong ke pelengon ka ma ngawai ine.

Jon 14:24

E gute ka iye lana iye ke ngong kovok iye ini lou pelengon kovok. E pelengon ka ngawai iye lou pelengon vala kovok. Aurou. Pelengon ane Livou ka pagei ngong ngame ila pelengon.”

Jon 3:12

Ngawai ke umu ke wan ka taklak ina e aitno lumu dagar ke lou pelengon kovok. Deka lange ka aitno lumu karanga la dagar ke lou pelengon alo ka ngawai ke umu ke wan ka omur heven ina?

Jon 3:13

Gute kene vala tito sep ke omur heven. Iye Gute Ka Polou Langka Osep ka oglou iye duru ke omur heven blang.

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Jon 3:5

E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Jon 5:43

Ngame e ngadidi Livou aitno e umepli ngong. E langka gute gesa didi iye tona aitno e me ke umu ma umodue e ma aitno lumu itau ke iye.

Jon 7:16

E Yesus koli wai ke isak langane. “Lou parerengen me ke ngong kovok e me ke gute ka pagei ngong ngame.

Jon 8:14

E Yesus koli wai ke isak langane. “Langka ngong tona vala ngawai ke lou elio dau lou pelengon lokono kesua ngaile lou omur batne ka ngame ine e ngaile omur ma ngala ine. E umu aurou. Umeile lou omur batne ka ngame ine kovok e umeile omur ma ngala ine kovok.

Jon 8:26

Langka ngawaiki ngawai ke umu ke lumu elio soulu e ngawade umu ine ngakaranga ngadue. E gute ka pagei ngong ngame ila elio keniye lokono e pelengon ka ngaklingen ke iye ngawai ke osep taklak ina.”

Jon 8:38

Ngawai ke wan ka Livou nis ngong ine e umodue wan ka umoklingen ke pmomu.”

Aposel 22:18

Ngavati ano e ngavati Ida Puda wai ke ngong langane. ‘Emklingen. Paide omsuong omsongon Jerusalem kesua langka amnapapra ngau basikngen ke osep matamur ane ma tiklingen ine kovok.’

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 3:14

Gute tonari wai blang lang-ane. “Omsogo pelengon ke ensel ka dong ke sios ke Laodisia. Pelengon tonari langane. Gute ka tisir iye Lokono e ka wai osuk e wai lokono ke Ida Tapolngon ila pelengon keniye wai langane. ‘Ngong wan ka pula keniye ka Ida Tapolngon due batne.