Jon 21:17 - Aria New Testament

¹⁷ Deka Yesus pmi iye aling eklu ina langane. “Saimon wom ka Jon otno arang wom lana wom ke ngong?” E Pita aitno soulu kesua iye pmi iye aling eklu ina langane. “Wom lana wom ke ngong?” E Pita koli wai langane. “Ee. Ngau Puda emile wan ka pula keniye e emile ngong lana ngong ke wom.” Deka Yesus wai ke iye langane. “Emkere lou osep ka isak langka sipsip itau.”

Jon 21:17 ပူးပေါင်းရင်းမြစ်များ

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Mak 14:72

Pita wai langane deka lokono kwako bole wai aling orwo ina. Pita klingen kwako bole wai deka lokono bitna sisir pelengon ka oglou Yesus wai ke iye. Alo ari Yesus wai ke Pita langane. “Eknikane ke epmes ma amwai emile ngong kovok aling eklu deka ma kwako bole wai aling orwo ina.” Deka Pita nogrum kngis omba ine.

Jon 12:8

Osep ka urok wan isuk boto vala tidong airavu ke umu aling aling e ngong ngadong kap umu tauni kovok.”

Jon 13:38

E Yesus koli wai ke iye langane. “Lokono? Ma empli tarna lugom e emmete ma omlua ngong? Ngawai lokono ke wom langane. Eknikane mgo ke alo ka kwako bole wai ma amwai emile ngong kovok aling eklu.”

Jon 14:15

“Langka umu lana umu ke ngong ma umeini lou pelengon.

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Jon 16:30

E oku ane imeile wom emile wan ka pula keniye e empmi osep ke wansua ka aitno lisak mter ine ma emile aitno lisak kovok. E ke batne langane aitno limi dagar ke elio ka Ida Tapolngon pagei wom omo ke imi.”

Jon 18:27

Deka Pita bisi ine blang e lokono kwako bole wai.

Jon 18:4

E Yesus ile wan ka pula keniye ka ma tipolou ke iye e la ke isak e wai ke isak langane. “Umekrim gute sei?”

Jon 21:18

Deka Yesus wai ke Pita blang langane. “Ngawai lokono ke wom langane. Alo ka wom dau auram emtnei lem klos e emkere wom ma emdidi aitno lugom e emlila ke omur omur. E mase alo ka ompolou lapun ma amkakai livep e osep leklou ma titnei wom ke lem klos e timgo ke wom ke omur omur ka amwaiki amla ine kovok.”

Jon 4:16

Deka Yesus wai ke iye langane. “Amla e omdue lem boget deka emiding ane.”

Aposel 1:24

Deka tiwai itau ke Ida Tapolngon ine langane. “Ipem Puda emile osep ka pula keniye aitno lisak. Eknikane emnis imi ke gute ka emrere ma iye kasip Judas amune. Emnis imi ine deka ma iye polou aposel gesa deka ma iye boko ine. Oglou Judas songon ila bokongon ka amwaiki iye due deka iye la ke ila omur.”

Aposel 11:10

Elio ane polou aling eklu ina deka lokono wan keniye tito la ke omur heven blang.

Aposel 15:8

Ari Ida Tapolngon ile osep ka pula keniye aitno lisak e iye kar Ano Itau ke isak eriar langka oglou iye kar iye ke ite. Elio ka iye kar Ano Itau ke isak keniye nis ite aitno itau ke isak.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

1 Pita 1:6

Oklou aling aling aitno lumu neser ke elio tonari vala. Lama oku ane tokngon bitna bitna polou ke umu e aitno lumu kro ine isuk boto vala.

2 Pita 3:1

Sipmi ka ngong lana ngong ke umu. Pas ane pas orwo ina ka ngasogoe uti ke umu ma omtomu sisir lou pelengon. Ngasogo lou pas ane kesua ngawaiki ngasruk umu ma aitno lumu mter ke pelengon ka oglou umoklingen ine.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”

Pelengon kukwopngon 3:19

Ngong lana ngong ke osep deka ma nganis isak ke urok elio soulu e ma ngamosi urok elio soulu. Deka ma umoboko engil lokono e umabauluk aitno lumu ke lumu elio epmes ina.’”