Jon 21:15 - Aria New Testament

¹⁵ Alo ka tingen yagos Yesus wai ke Saimon Pita langane. “Saimon wom ka Jon otno arang elio ka wom lana wom ke ngong mole elio ka osep leklou isak lana isak ke ngong?” Deka Pita koli wai langane. “Ee. Ngau Puda emile ngong lana ngong ke wom.” E Yesus wai ke iye langane. “Emkere lou osep ka isak langka sipsip titno itau.”

Jon 21:15 ပူးပေါင်းရင်းမြစ်များ

Matyu 10:37

“Langka elio ka osep lana isak ke sipmarak koke titnarak koke titorok arang koke titorok apmang omba mole elio ka isak lana isak ke ngong deka tikaranga tidong lou disaipel kovok.

Matyu 16:17

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 26:33

E Pita wai ke iye dagar langane. “Lama isak keniye tiulou e tisongon wom ma ngasongon wom kovok.”

Matyu 26:35

E Pita koli wai langane. “Aurou. Lama ngamete kap wom ma ngawai langare kovok.” E ila disaipel keniye tiwai langane blang.

Mak 14:29

Yesus wai ke isak langane deka Pita wai langane. “Langka osep ka pula keniye tisongon wom ma ngadue elio langane kovok.”

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Luk 22:32

E ngawai itau ke Ida Tapolngon ke wom ma aitno lugom ila dagar dong dagar. E alo ka ambauluk e emiding ke ngong ngawaiki omdue lem osua aitno lisak ila dagar tidong dagar lokono.”

Jon 1:42

E iye paur Saimon la ke Yesus e Yesus vati iye deka wai ke iye langane. “Wom Saimon e abo angaine Jon. Ma osep tisir wom Sifas.” E angaine Sifas eriar langka angaine Pita e lana ine opmu.

Jon 13:37

Pita pmi iye blang langane. “Ngau Puda ina lange oku ane ngakaranga ngadidi wom ke omur ka amla ine kovok? Langka amwaiki ngadue io ma ngapli tarna lungong e ngamete ma ngalua wom.”

Jon 16:27

Kesua Livou lana iye ke umu batne umu lana umu ke ngong e aitno lumu dagar ke elio ka ngame ke Livou.

Jon 21:12

E Yesus wai ke isak langane. “Umomo e umangen ngangon.” E ila disaipel tile iye e ke batne langane tipmi iye langane kovok. “Wom gute sei?” Kesua tile iye Inarak Puda.

Jon 21:7

E disaipel ka Yesus lana iye omba ke iye wai ke Pita langane. “Gute are Ida Puda.” Saimon Pita klingen pelengon ane deka tnei ila molo kesua iye klok molo alo ka iye boko. Iye tnei molo yagos deka kopiuk ke aki e sisu ke aki ina dingen batne.

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 20:29

Ngaile ma ngala deka ma osep leklou ka isak osep soulu bitna ma time e tiyak umu. Tiyak umu ma tidue pogle ke umu eriar langka gemle kevena tipupru sipsip deka tingen isak.

Pas ka Pol sogoe uti la ke osep Rom ina 14:1

Langka gute dong ka aitno dagar ke Krais kodong e dau aitno ila dagar polou dagar lokono kovok umodue sep ke lumu duningen. E ma umotuk opmu pulu kap iye kovok ke pelengon gesa ka aitno lumu kene pulu ine kovok.

Pas ka Pol sogoe uti la ke osep Rom ina 15:1

Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok.

1 Korin 8:11

Deka lumu ilengen due agegeng ke supmu ka aitno lisak ila dagar dau dagar kovok. Kesua isak supmu ka Krais mete ke isak e kasip amunsak.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Efesus 6:24

Ngawaiki Ida Tapol-ngon ila makaingan dong kap umu ka aling aling umu lana umu ke Ida Puda Yesus Krais. E oku ane lou pelengon yagos.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.

1 Pita 1:8

Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.

1 Pita 2:2

Langka mimi oku aling aling tiwaiki tinim sisu vala ngawaiki aitno lumu la ke Ida Tapolngon ila pelengon vala. E ila pelengon itau e wan sasi dong ine kovok. E pelengon tonari karanga lua umu ma umopolou ngongle ke aitno lumu ila dagar.

1 Pita 2:25

Iye due elio langane kesua oglou umodong langka sipsip ka tilila ulik ulik vala. E eknikane iye due umu umeiding ke iye e iye polou lumu Gute Plaungan Ina e iye plau aitno lumu itau langka gute plaungan ina plau ila sipsip itau.

1 Jon 4:19

Ite lana ite ke osep leklou batne Ida Tapolngon lana iye ke ite mgo.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”