Jon 20:9 - Aria New Testament

⁹ E alo ari dau tile malak kovok ke Ida Tapolngon ila pelengon ka wai ma Yesus poga tito ke ina denga.

Jon 20:9 ပူးပေါင်းရင်းမြစ်များ

Matyu 22:29

E Yesus koli wai ke isak langane. “Umeile Ida Tapolngon ila pelengon kovok e umeile ila arit kovok e ke batne ane aitno lumu kaka ine.

Luk 24:26

Umeile langane kovok i? Gute ka Ida Tapolngon rere Krais ma iye lua osep ma namani elio soulu paide deka ma iye dong itau lokono kap Ida Tapolngon.”

Luk 9:45

E ila disaipel tile ila pelengon lana ine kovok kesua Ida Tapolngon bisi lana ine ke isak ma tikaranga tile lana ine kovok. E tilim ma tipmi iye ke ila pelengon lana ine.

Jon 2:22

E alo ka iye poga tito ke ina denga ila disaipel amtarsak sisir pelengon ka iye wai ane. E aitno lisak la dagar ke Ida Tapolngon ila pelengon e ke pelengon ka Yesus wai ine.

Aposel 17:3

Iye ritim Ida Tapolngon ila pelengon ka wai ke Yesus ina metengen e ila baulukngon deka iye kere pelengon tonari lana ine langane. “Oglou kodong Ida Tapolngon rere gute Krais ka ma iye lua osep ke urok elio epmes ina ma iye namani elio soulu e mete deka poga tito ke ina denga. Umoklingen. Gute ka Ida Tapolngon rere Krais iye gute Yesus ka eknikane nganapapra iye ke umu.”

Aposel 2:24

Iye mete deka Ida Tapolngon didi ila arit e due poga tito ke ina denga. Deka iye ngangir ke metengen kovok. Deka metengen karanga mole iye kovok kesua Ida Tapolngon mole kodong.

1 Korin 15:4

E tiyas iye ke ina denga deka oklou eklu mela yagos deka iye poga tito ke ina denga blang. Ane langka oglou Ida Tapolngon ila pelengon wai ine.