Jon 20:31 - Aria New Testament

³¹ E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 20:31 ပူးပေါင်းရင်းမြစ်များ

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 27:54

E alo ka gute ka plau osep ola ina bunokene e osep ola ina leklou ka tidong tiplau Yesus kap iye tivati orgi e wan ka polou aitno lisak nesik omba e tiwai langane. “Lokono gute ane Ida Tapolngon Otno Arang.”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Mak 16:16

Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel.

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 1:4

Ngadue langane ma amkaranga emile omur ke wan ka lokono ka osep tiparere wom ine.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 10:10

E gute panakongon ina me ma iye panako wan e due burwa ke osep e due agegeng ke osep vala. E ngame ma osep tidue mosongon ka dong vala dong e mosongon tonari due wan itau bon ke isak.”

Jon 19:35

E gute ka vati elio ane palongo ine e ila palongongon lokono. E iye ile iye wai lokono ma aitno lumu karanga la dagar ke ila pelengon.

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 3:18

Gute sei ka aitno la dagar ke iye ma Ida Tapolngon wade iye kovok e gute sei ka aitno la dagar ke iye kovok Ida Tapolngon wade iye kodong kesua aitno la dagar ke Ida Tapolngon Otno Arang ka kene vala kovok.

Jon 3:36

Osep seisei ka aitno lisak la dagar ke Ida Tapolngon Otno Arang ma tidue urok mosongon ka dong vala dong. E osep seisei ka tipli iye ma tidue mosongon ka dong vala dong kovok e Ida Tapolngon aitno ila engil ma dong ke isak.”

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Aposel 10:43

Oglou osep napaprangan ina keniye tiwai ine langane. ‘Osep ka pula keniye ka aitno lisak dagar ke iye ma iye due urok elio epmes ina noklok la batne ke iye tona.’”

Aposel 3:16

Eknikane umavati e umeile gute ane. E Yesus ka aitno limi dagar lokono ke iye ila arit due gute ane kamla polou itau blang. Aitno la dagar ke Yesus e ila arit vala due gute ane kamla polou itau blang langka umakaranga umavati.”

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

1 Pita 1:9

Aitno lumu neser langane kesua umeile Ida Tapolngon lua umu ke lumu elio epmes ina. Ke batne langane aitno lumu la dagar ke Krais.

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.

Pelengon kukwopngon 2:18

Deka gute wai blang lang-ane. “Omsogo pelengon ane ke ensel ka dong ke sios ke Taiataira. Pelengon tonari langane. Gute ka Ida Tapolngon Otno Arang e ka bitna bublo langka eiou bublo e kamla bublo langka bras ka osep tisabure wai langane.