Jon 20:28 - Aria New Testament

²⁸ Deka Tomas koli wai ke iye langane. “Ngau Puda e Ngau Tapolngon.”

Jon 20:28 ပူးပေါင်းရင်းမြစ်များ

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Luk 24:52

Deka tilotuim iye. E mase tiding ke Jerusalem e aitno lisak neser omba.

Jon 1:1

Oglou oglou ari alo ka Ida Tapolngon dau tapol wan gesa kovok gute ka ina sirngen Ida Tapolngon Ila Pelengon dong kap iye e gute tonari iye Ida Tapolngon blang.

Jon 20:16

Deka Yesus wai langane. “Maria.” E Maria bauluk e wai ke iye langane. “Rabonai.” Pelengon palma rabonai iye pelengon Hibru palma ka lana ine gute parerengen ina.

Jon 20:27

Deka iye wai ke Tomas langane. “Omdue livep otno ane e amvati lungu e omdue livep sep ke galna lungong. Aitno lugom dagar ke ngong e aitno lugom orwo sakam.”

Jon 20:29

E Yesus wai ke iye langane. “Aitno lugom dagar kesua amvati ngong. E osep ka tivati ngong kovok e dau aitno lisak dagar ke ngong aitno lisak itau itau.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.