Jon 20:22 - Aria New Testament

²² Yesus wai langane yagos deka iye ipu ene omung ine ke isak e wai langane. “Umodue Ano Itau.

Jon 20:22 ပူးပေါင်းရင်းမြစ်များ

Jon 14:16

E ma ngapmi Livou e ma iye pagei Luangan silang ke umu e ma iye dong kap umu aling aling.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Jon 20:23

E langka umasak osep urok elio epmes ina deka urok elio epmes ina noklok kodong e langka umasak osep urok elio epmes ina kovok urok elio epmes ina dau dong ke isak.”

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Aposel 10:47

“Eknikane Ida Tapolngon Ano Itau dong ke osep ane aitno lisak eriar langka iye dong ke aitno lite. Aitno lumu lange? Ma tididi elio paunimngen ina koke aurou? Ma tididie kesua itakaranga itadangdang isak ine kovok.”

Aposel 19:2

Deka iye pmi isak langane. “Oglou alo ka aitno lumu la dagar ke Yesus Ano Itau duru sep ke aitno lumu koke aurou?” Deka tikoli tiwai langane. “Aurou. Oglou imeklingen ke Ano Itau kovok e imeile ine kovok.”

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 2:4

Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

Aposel 4:8

Deka Ano Itau due Pita aitno e iye wai ke isak langane. “Umu ka osep ngongle e ka osep plaungan ina umoklingen lou pelengon ane.

Aposel 8:15

Deka isak orwo tilua osep ka aitno lisak dagar ke Yesus e tiwai itau ke Ida Tapolngon ma iye kar Ano Itau ke isak.

Galesia 3:2

Ngawaiki ngapmi umu ke wan kene vala. Umodue Ano Itau ke ekreng lange? Umodue ke ekreng ka umedidi Moses ila sogongon koke umodue ke ekreng ka umoklingen omon itau e aitno lumu la dagar ine?