Jon 20:19 - Aria New Testament

¹⁹ Epmes polou ke oklou tonari ka Sande e Yesus ila disaipel tidiva ekreng bitna ke ninu ka tidong ine. Tidiva ekreng bitna kesua tiulou tarna lisak ke osep Yuda ina. E Yesus polou e vri airavu ke isak e wai ke isak langane. “Aitno lumu dong epen.”

Jon 20:19 ပူးပေါင်းရင်းမြစ်များ

Matyu 10:13

E langka osep ka tidong ke ninu tonari isak osep itau ma lumu pelengon dong kap isak. E langka isak osep itau kovok ma lumu pelengon iding ke umu.

Matyu 18:20

Kesua alo ka osep orwo eklu langane tiduni pulu ke angain ngong ma ngadong airavu ke isak.”

Mak 16:14

Mase ila disaipel songotno kene tiduni pulu tidong lelei bota gesa ka tingen inarak ngangon ine. Deka Yesus me polou ke isak deka iluk isak kesua aitno lisak dagar ke ila baulukngon kovok e tingelek ine vala. Iye iluk isak kesua alo ka tiklingen pelengon ke osep ka tivati iye poga tito ke ina denga aitno lisak la dagar ke osep tonari urok pelengon kovok.

Jon 14:27

“Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

Jon 16:22

E umu blang langane. Oku ane aitno lumu soulu e mase ma ngavati umu blang deka ma aitno lumu neser. E ma osep tikaranga tidue lumu ketirngen polou yagos kovok.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Jon 20:26

Mase oklou epmes lumorwo mela yagos e ila disaipel tidong ke ninu e Tomas dong kap isak blang. E tidiva ekreng bitna e Yesus polou airavu ke isak e wai langane. “Aitno lumu dong epen.”

Jon 21:1

Elio ane yagos deka mase Yesus polou ke ila disaipel blang ke elim Taiberias ka angaine silang elim Galili. E iye polou ke amtarsak langane.

Jon 21:14

Ane aling eklu ina Yesus polou e nis iye ke ila disaipel batne ke taim ka iye poga tito ke ina denga.

Jon 7:13

E dau gute kene wai malak ke Yesus kovok kesua tilim ke osep kaunsil ina.

Aposel 1:3

Oglou osep epmes ina tidue agegeng ke iye e timluk iye ma iye mete. Timluk iye ma iye mete deka iye munu ke ina denga mase iye poga tito ke ina denga. Alo ka iye dau dong ke taklak iye polou ke ila aposel amtarsak deka tivati ila elio isuk isuk e tile omur iye mole metengen e iye dong blang. E iye parere isak ke alo ka mase Ida Tapolngon ma plau omur ka pula keniye. Iye dong ke taklak oklou isapanal.

Pas ka Pol sogoe uti la ke osep Rom ina 15:33

Ngapmi Ida Tapolngon ma iye due aitno lite tidong epen pulu. E iye dong kap umu ka pula keniye. Lokono.

1 Korin 15:5

Iye poga tito ke ina denga deka mase iye polou ke Pita e mase iye polou ke ila aposel songotno orwo.

Efesus 2:14

Oglou imi osep Yuda ina e umu ka osep Yuda ina kovok aitno lite soulu pulu. Deka elio ka aitno lite soulu pulu langka dangdang ite pulu. E Krais lua ite keniye ke pampamu ine deka aitno lite epen pulu batne ke iye. Krais ina marau e ina metengen dar parangan ka oglou dong airavu ke ite deka due aitno lite epen pulu.

Efesus 6:23

Sipmi. Aitno lungong lang-ane. Ngawaiki Ida Tapolngon ka Pmada e Ida Puda Yesus Krais tidue aitno lumu epen pulu. Ngawaiki tidue aitno lumu ila dagar dong dagar e ma umu lana umu pulu.

Filipai 1:2

Ngawaiki Ida Tapolngon ka Pmada kap Ida Puda Yesus Krais timakai umu e tidue aitno lumu dong epen.

2 Tesalonaika 3:16

Ngawaiki Ida Puda ka due aitno lite epen ma aling aling iye tona due aitno lumu dong epen ke wan bitna bitna keniye. Ngawaiki Ida Puda dong kap umu ka pula keniye.

Hibru 7:2

Deka Abraham wade wan bitna bitna ka iye due ke emkil songotno ka eriar e kar emkil kene ke Melkisedek. E Melkisedek angaine lana ine langane. Gute ka plau osep e due elio itau vala. E angaine silang gute ka vri mgo ke omur Salem. E pelengon palma “Salem” lana ine langane. Elio ka osep aitno lisak epen pulu.

3 Jon 1:14

Ngawaiki isuk boto ngauti ke wom deka ma itakaranga itawai pulu.

Pelengon kukwopngon 1:4

E ngong Jon ngasogo pele-ngon ane uti ke umu ka pula keniye ka umodong ke sios lumorwo ka tidong ke provins Esia. Ida Tapolngon ka oglou iye dong kodong e eknikane iye dong e mase ma iye dong blang makai umu e due aitno lumu dong epen. E ano lumorwo ka dong ke Ida Tapolngon ila kova bitna timakai umu e tidue aitno lumu dong epen blang.