Jon 20:17 - Aria New Testament

¹⁷ E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”

Jon 20:17 ပူးပေါင်းရင်းမြစ်များ

Matyu 12:50

Gute gesa ka ini Livou ka dong ke omur heven iye ngau aiver koke luku koke nina.”

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 28:7

Deka umala umosuong e umapalongo ila disaipel iye poga tito ke ina denga kodong e iye la mgo ke umu ke omur Galili e ma umavati iye are. Omtomu sisir lou pelengon.”

Mak 12:26

E ke elio ka osep ka timete kodong tipoga titito ke inarak denga ma ngapmi umu ine langane. Umeritim pelengon ka oglou Moses sogo ine koke aurou? Oglou Moses sogo pelengon gesa ka la ke alo ka iye vati akai tetna gesa ka eiou neliplip ine. Iye sogo alo ari Ida Tapolngon wai ke iye langane. ‘Ngong Upu Tapolngon ka Abraham e Aisak e Jekop tilotuim ngong.’

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Luk 10:4

E umakalke mani koke kerka koke su kovok e umawai ‘oklou itau’ ke osep ka umososon isak ke ekreng kovok.

Jon 13:1

Rogo omba ka lana ine la ke alo ka Ida Tapolngon lua osep Yuda ina tisongon omur Isip polou dau kovok. E Yesus ile isuk boto ma iye songon taklak e la ke Timla. Iye lana iye ke ila osep ka tidong ke taklak e iye lana iye ke isak la lama alo ka iye mete.

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 14:2

Eliang pula tidong ke Livou ila ninu ke omur heven. E ngala are ma ngakere omur ka ma umodong ine. Langka langane kovok ma ngakaranga ngapalongo lumu ine kovok.

Jon 14:28

Oglou umoklingen ngawai ke umu langane. Ngasongon umu e ngala e mase ma ngaiding ke umu. Langka umu lana umu ke ngong aitno lumu neser kesua ngala ke Livou. E Livou mole ngong.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 20:27

Deka iye wai ke Tomas langane. “Omdue livep otno ane e amvati lungu e omdue livep sep ke galna lungong. Aitno lugom dagar ke ngong e aitno lugom orwo sakam.”

Jon 7:33

Deka Yesus wai ke osep langane. “Ma ngadong kap umu sasi boto vala deka ngaiding ke gute ka pagei ngong ngame.

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

2 Korin 6:18

E Ida Puda ka ila arit omba lokono wai langane. “Ma ngadong Pmomu e umodong dirgu arang e apmang.”

Galesia 3:26

Umu ka pula keniye aitno lumu dagar ke Krais Yesus e umeneklep ke iye e ke elio langane umopolou Ida Tapolngon titno.

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 8:10

Ngong Upu Puda e mase ma ngawai lou kontrak oku ina ke osep Israel ina ka langane. Ma ngadue lou pelengon sep ke bara lisak e ngasogoe ke aitno lisak. Ma ngadong Inarak Tapolngon e isak ma tidong lou osep.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

Pelengon kukwopngon 21:3

Deka ngaklingen gute kreine wai omba ke Ida Tapolngon ila kova langane. “Umoklingen. Eknikane Ida Tapolngon ila ninu dong kap osep e iye dong kap isak blang. Iye dong kap osep e tidong ila osep e iye dong kap isak blang.

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”