Jon 20:15 - Aria New Testament

¹⁵ Deka Yesus wai ke iye langane. “Bela ina lange emkngis? Emkrim gute sei?” E Maria aitno mter iye gute ka kere wan bitna bitna ke yage tonari e wai ke iye langane. “Gute. Langka amkalke Yesus pampamu ine la ke omur silang ampalongo lou ke omur ka iye munu ine e ma ngala e ngadue.”

Jon 20:15 ပူးပေါင်းရင်းမြစ်များ

Matyu 12:34

Umu langka mota ka soulu. E ina lange umu ka soulu umakaranga umawai pelengon itau? Lumu pelengon nis osep ke wan ka dong ke aitno lumu.

Matyu 28:5

E ensel wai ke apmang orwo langane. “Umelim kovok kesua ngaile umekrim Yesus ka tinilim iye ke ina akai.

Mak 16:6

Deka gute tonari wai ke isak langane. “Anmu nesik sakam. Umekrim Yesus ka Nasaret ina ka osep tinilim kamla e limla ke ina akai deka iye mete. Oglou pampamu ine munu ane e eknikane amune dong adai kesua iye poga tito kodong.

Luk 2:44

Aitno lisak mter iye dong kap osep leklou ka tidue langan kap isak e tilila oklou kene deka tikrim ke iye ke urok osua e osep ka kla kap isak.

Luk 24:5

E apmang tilim omba lokono e timanik e tidue bara lisak duru ke taklak. Tidue langane e osep orwo tiwai ke isak langane. “Ina lange umekrim gute ka ila mosongon dau dong ke iye airavu ke osep ka timete kodong?

Jon 1:38

Tididi iye deka Yesus bauluk e vati isak tididi iye e pmi isak langane. “Umawaiki umeile wansua?” E tikoli tiwai langane. “Rabai omdong ge?” Pelengon palma rabai lana ine gute parerengen ina.

Jon 18:4

E Yesus ile wan ka pula keniye ka ma tipolou ke iye e la ke isak e wai ke isak langane. “Umekrim gute sei?”

Jon 18:7

E Yesus pmi isak blang langane. “Umekrim gute sei?” E tikoli tiwai langane. “Imekrim Yesus ka Nasaret ina.”

Jon 20:13

E tiwai ke Maria langane. “Bela ina lange emkngis?” E Maria koli wai ke isak langane. “Ngakngis kesua osep tidue Ngau Puda e tikalke la e ngaile omur ka tidue munu ine kovok.”