Jon 20:1 - Aria New Testament

¹ Ke oklou kene ina ke wik Maria ka armok Makdala ina la polou ke Yesus ina denga. Iye polou alo ka dau aivoro e isuk boto kotkotu lokono e iye vati opmu omba ka oglou kading denga bitna kadinge kovok.

Jon 20:1 ပူးပေါင်းရင်းမြစ်များ

Matyu 27:56

E apmang Maria ke armok Makdala e Maria ka Jems e Josep tna e Sebedi ila asap tidong kap isak.

Matyu 27:60

E due sep ke denga oku ka osep tiyase ke opmu ke iye tona ina denga. E iye tabulbul opmu omba ma kading denga ina ekreng bitna deka iye la.

Matyu 27:64

Oku ane amwai dagar ma osep ola ina tiplau ina denga la lama oklou eklu mela yagos kodong lama ila disaipel isak kla ari e tidue pampamu ine e tiwai ke osep langane. ‘Iye poga tito ke ina denga kodong.’ Deka yakngan ane mole yakngan ka mgo ina.”

Matyu 27:66

E isak kla e tipou ina denga dagar e tidue urok nisngen ke opmu ka kading ekreng bitna ma osep titabulbule kovok e tidue osep ola ina tiplau denga.

Matyu 28:1

Oklou sabat mela yagos e ke kotkotu lokono ke oklou kene ina ke wik Maria ke Makdala gosok Maria silang isak kla tivati denga.

Matyu 28:2

E suong orgi omba polou e Ida Puda ila ensel gesa duru ke omur heven e tabulbul opmu la e dong ine.

Mak 15:46

Deka Josep la kli molo gesa ka itau e kalke la deka polou ke Yesus pampamu ine. Deka iye due pampamu ine duru deka dugume. Iye dugume yagos deka iye paure la munu ke denga gesa ka osep tibloue ke opmu gesa. Iye due Yesus pampamu ine munu ke denga tonari yagos deka tabulbul opmu ma kading denga ina ekreng bitna.

Mak 16:9

*Yesus poga tito ke ina denga ke kotkotu lokono ke oklou mgongon ina ke wik. Deka mgongon iye la polou ke Maria ka Makdala ina ka oglou iye sapir angelo soulu lumorwo ka tidong ke aitno tipolou kla.

Jon 11:38

E Yesus aitno kro lokono blang e iye la polou ke denga. E denga tonari omus ka tikading bitna ke opmu omba.

Jon 11:41

Yesus wai langane deka titabulbul opmu ka kading omus bitna la. Deka Yesus bitna tito e wai langane. “Livou aitno lungong itau ke wom kesua emklingen ngong alo ka ngawai itau ke wom.

Jon 19:25

Deka osep ola ina tidue langare. E apmang apanal tivri olwo boto ke Yesus ina akai. Isak Yesus tna e tna ina aiver e Maria ka gute Klopas esna e Maria ka armok Makdala ina.

Jon 20:26

Mase oklou epmes lumorwo mela yagos e ila disaipel tidong ke ninu e Tomas dong kap isak blang. E tidiva ekreng bitna e Yesus polou airavu ke isak e wai langane. “Aitno lumu dong epen.”

Aposel 20:7

E ke Sande imoduni pulu kesua imawaiki imodue elio komunio ina. Ari Pol napapra osep pula. Iye nogrum wai ila pelengon e dong tauni ine la lama epmes airavu kesua oklou silang iye waiki songon isak e la.

1 Korin 16:2

Ke Sande kene kene umu kenmu kenmu umotuk lumu mani ka umawaiki umolua osep ine. Deka umodue mani tonari dong para ke alo ka ngauti ke umu.

Pelengon kukwopngon 1:10

Tisapir ngong ngadong ke aidunu Patmos deka ke oklou gesa ka Ida Tapolngon ila osep tiduni pulu ine Ano Itau polou dagar ke ngong e ke dogur ngong ngaklingen gute kreine wai dagar langka kuliep wai.