Jon 2:11 - Aria New Testament

¹¹ Elio ane elio arit ina ka nisngen mgongon ina ka Yesus due. Iye due ke Kena ka dong ke omur Galili. Ke elio ane iye nis osep iye gute ka itau lokono e ila arit ombatno. E ila disaipel aitno lisak la dagar ke iye.

Jon 2:11 ပူးပေါင်းရင်းမြစ်များ

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 1:43

Oklou silang polou e Yesus aitno mter ma iye la ke omur Galili. E alo ka iye la iye pado Filip e wai ke iye langane. “Emdidi ngong.”

Jon 1:50

E Yesus koli wai langane. “Aitno lugom dagar kesua ngawai ke wom ngavati wom omdong ke akai fik batne. Ma amvati elio pula ka mole elio ane.”

Jon 10:41

Osep pula time ke Yesus e tiwai langane. “Lama Jon due elio arit ina ka isak nisngen kovok wan ka pula keniye ka iye wai ine ka me ke gute ane iye pelengon lokono.”

Jon 11:15

E aitno lungong mter ke umu e aitno lungong neser kesua ngadong are kovok. Ma elio ane due aitno lumu dagar ke ngong. Ma itala ke iye.”

Jon 11:47

Deka osep loulou ina ka omba e osep Farisi ina tidue osep kaunsil ina tiduni pulu e tiwai ke isak langane. “Ma itodue sua kesua gute are due elio arit ina ka nisngen pula?

Jon 12:18

E osep pula pula kla tisoson Yesus kesua tiklingen omon ke elio arit ina tonari ka iye due.

Jon 12:37

E lama iye due elio arit ina ka nisngen pula ke osep amtarsak dau aitno lisak la dagar ke iye kovok.

Jon 12:41

Aisaia wai langane kesua iye vati Yesus ila arit ka omba e ila bublongon deka iye wai ine.

Jon 14:13

E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.

Jon 16:27

Kesua Livou lana iye ke umu batne umu lana umu ke ngong e aitno lumu dagar ke elio ka ngame ke Livou.

Jon 16:30

E oku ane imeile wom emile wan ka pula keniye e empmi osep ke wansua ka aitno lisak mter ine ma emile aitno lisak kovok. E ke batne langane aitno limi dagar ke elio ka Ida Tapolngon pagei wom omo ke imi.”

Jon 2:1

Elio tonari polou deka oklou epmes orwo mela yagos e gingen polou ke armok Kena ka dong ke omur Galili. E Yesus tna dong ke gingen tonari.

Jon 2:23

E alo ka iye dong ke Jerusalem ke rogo omba ka lana ine la ke alo ka Ida Tapolngon lua osep Yuda ina tisongon omur Isip osep pula tivati elio arit ina ka nisngen ka iye due e aitno lisak la dagar ke iye.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 4:3

Deka iye songon omur Judia e la ke omur Galili.

Jon 4:46

E Yesus polou ke Kena ka dong ke omur Galili blang. Ke armok tonari oglou iye due elio arit ina ka iye due aki polou aki wain. E gute gavman ina gesa otno arang paia ke armok Kaperneam.

Jon 4:54

Elio ane elio arit ina ka nisngen ka orwo ina ka Yesus due alo ka iye songon omur Judia e la ke omur Galili.

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Jon 6:14

Osep are tivati elio arit ina ka nisngen ka Yesus due e tiwai pulu langane. “Lokono. Gute ane gute napaprangan ina ka oglou Moses wai ma iye me ke taklak.”

Jon 6:2

E osep pula pula tididi iye kesua tivati elio arit ina ka nisngen ka iye due alo ka iye due osep ka tipaia tipolou itau blang.

Jon 6:26

E Yesus koli wai ke isak langane. “Ngawai lokono ke umu langane. Aitno lumu mter ke elio arit ina ka nisngen ka ngadue deka umekrim ke ngong kovok. Aurou. Umekrim ke ngong kesua umangen bret e umogot.

Jon 6:30

E tipmi Yesus blang langane. “Ma omdue elio arit ina ka nisngen lange ma imavati e aitno limi la dagar ke wom? Ma omdue sua?

Jon 7:31

E osep pula ka tidong are aitno lisak la dagar ke iye. E tiwai langane. “Alo ka gute Krais me ma iye due elio arit ina ka nisngen ka mole wan ka gute ane due koke aurou?”

Jon 9:16

Osep Farisi ina leklou tiwai langane. “Gute are dar oklou sabat ina pelengon dagar deka iteile Ida Tapolngon pagei iye me kovok.” E osep Farisi ina leklou tiwai langane. “Lange ka gute epmes ina karanga due elio arit ina bitna bitna langka iye due?” Deka osep Farisi ina tipara pelengon pulu e tidardar ine.

2 Korin 3:18

E wan gesa kading ite keniye amtada kovok deka Ida Puda ila bublongon polou ke ite e itopolou langka glas ka osep tikaranga tivati Ida Puda ine. Deka aling aling itolumus itopolou nisngen ke Ida Puda. E Ida Puda iye Ano Itau.

2 Korin 4:17

Imeile elio ka polou ka opru imi tidong isuk boto vala e isak wan gesa kovok. Elio tonari kere imi ma imodue mosongon ka itau lokono ka dong vala dong. E mosongon tonari mole wan ka pula keniye.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

1 Jon 5:13

Ngasogo pelengon ane uti ke umu ka aitno lumu dagar ke Ida Tapolngon Otno Arang ma umeile omur langane. Aitno lumu dagar ke iye deka umodue mosongon ka dong vala dong.