Jon 19:5 - Aria New Testament

⁵ Deka Yesus polou ke amtarsak e galou marak lelei baraine e iye tnei molo ka edimor. E Pailat wai langane. “Osep umavati gute ane.”

Jon 19:5 ပူးပေါင်းရင်းမြစ်များ

Matyu 27:29

E tipilai galou marak e tidue lelei baraine e tidue iye kis matu ke limla odung. Ane langka baresngen ke gute ka vri mgo ke omur. Deka tigrum kamsak ke bitna e tidue apok ke iye e tiwai langane. “Imodue anit ke wom ka gute ka vri mgo ke osep Yuda ina.”

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 19:2

E tipilai galou marak e tidue lelei Yesus baraine e titnei iye ke molo ka edimor langka osep ka tivri mgo ke omur omur urok baresngen.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.