Jon 19:42 - Aria New Testament

⁴² E oklou are oklou ka osep tikere wan bitna bitna ke oklou sabat ine. E silang denga tonari dong olwo boto e ke batne langane tidue Yesus pampamu ine munu ke denga are.

Jon 19:42 ပူးပေါင်းရင်းမြစ်များ

Matyu 12:40

Jona dong ke lodu omba pele ke misuon oklou eklu eriar langka Gute Ka Polou Langka Osep ma dong ke ina denga oklou eklu.

Jon 19:14

E oklou ari oklou ka osep Yuda ina tikere ngangon e wan bitna bitna ke oklou ka me ka tidue rogo omba ka lana ine la ke alo ka Ida Tapolngon lua osep Yuda ina tisongon omur Isip. E ari langka oklou airavu. E Pailat wai ke osep Yuda ina langane. “Umavati gute ka vri mgo ke umu.”

Jon 19:20

E osep Yuda ina pula tiritim sogongon tonari kesua omur ka Yesus mana ine dong olwo boto ke armok e Pailat sogo sogongon ke pelengon eklu. Iye sogo ke pelengon Hibru e ke osep Rom ina urok pelengon e ke pelengon Grik.

Jon 19:31

Oklou ari oklou ka tikere wan bitna bitna ke oklou sabat e sabat ari sabat omba. E ke batne langane osep Yuda ina tiwaiki osep pampamu lisak dau timana ke inarak akai alo ka sabat polou kovok. E tipmi Pailat ma osep tibong osep ka tinilim isak ke inarak akai kamsak ma timete suong e tidue isak tiduru ke inarak akai.

Jon 19:41

E yage dong ke omur ka tinilim Yesus mana ke ina akai. E ke yage tonari osep tiyas denga oku ke opmu ka tidue gute pampamu ine munu ine dau kovok.

Aposel 13:29

Osep ari tidue burwa ke iye eriar langka oglou osep napaprangan ina tisogo ine deka urok sogongon polou lokono. Deka osep leklou tipi nil ke kamla e limla e tidue duru ke ina akai deka tipaur pampamu ine la munu ke ina denga.

1 Korin 15:4

E tiyas iye ke ina denga deka oklou eklu mela yagos deka iye poga tito ke ina denga blang. Ane langka oglou Ida Tapolngon ila pelengon wai ine.

Kolosi 2:12

Alo ka umodue elio paunimngen ina umenis osep aitno lumu dagar ke Ida Tapolngon ka ila arit due Krais poga tito e dong blang. Deka ari osep tipaunim umu langka umogosok Krais umemete e osep tiyas umu kap iye. Deka Ida Tapolngon ila arit due umu umogosok Krais umopoga umetito e umodong blang.