Jon 19:34 - Aria New Testament

³⁴ E gute ola ina kene mter Yesus galna ke ola e suong marau e aki baser polou.

Jon 19:34 ပူးပေါင်းရင်းမြစ်များ

Matyu 27:62

Mase oklou kene sabat polou e osep loulou ina ka omba e osep Farisi ina tiduni pulu ke Pailat bitna.

Jon 19:33

E alo ka tipolou ke Yesus tivati iye mete kodong e tibong kamla kovok.

Jon 20:20

Iye wai yagos deka nis isak ke tarna ina amal ke limla e galna. E ila disaipel aitno lisak neser alo ka tivati Inarak Puda blang.

Aposel 22:16

E omdong ane batne lange? Emtito itala e omdue elio paunimngen ina. Emsir Yesus angaine ma iye tona lua wom ke lem elio epmes ina e ma iye due noklok la.’”

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 9:13

Oglou langka osep tidar Moses ila sogongon Ida Tapolngon vati isak langka isak amum. Deka osep loulou ina tidue meme koke bulmakau bole inarak marau e tisere ke osep. E tidue group ke bulmakau tna ka eiou ngene keniye deka tiser group tonari ke osep. Langka tidue langane deka Ida Tapolngon vati isak langka isak itau.

Hibru 9:22

Moses ila sogongon wai marau vala karanga due wan bitna bitna tipolou itau ke Ida Tapolngon bitna. E langka ongwa ina marau baser kovok deka ma Ida Tapolngon klok osep urok elio epmes ina kovok.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.

1 Jon 5:6

Yesus Krais me dong ke taklak e osep tipaunim iye ke aki. Mase iye mana ke ina akai e ina marau baser. Alo ka iye me osep tipaunim iye vala kovok. Aurou. Iye mete e ina marau baser blang.

1 Jon 5:8

Wan eklu tipalongo udo ke Yesus. Ano Itau palongo udo e aki ka paunimngen ina palongo udo e ina marau ka baser palongo udo. E isak eklu tonari isak langka pelengon kene vala.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 7:14

E ngakoli ila pelengon langane. “Gute namor ngaile kovok.” Deka iye wai ke ngong langane. “Osep tonari isak osep ka tinamani agegeng ke inarak oul. E tigrong urok molo ke Sipsip Otno ina marau deka urok molo polou okou lokono.