Jon 19:19 - Aria New Testament

¹⁹ E Pailat sogo pelengon e tipoue ke Yesus ina akai e pelengon tonari langane. “Gute ane Yesus ka Nasaret ina ka iye gute ka vri mgo ke osep Yuda ina.”

Jon 19:19 ပူးပေါင်းရင်းမြစ်များ

Matyu 2:23

E iye polou ine e dong ke armok Nasaret. Iye dong ke Nasaret ma pelengon ka gute napaprangan ina gesa wai polou lokono. Gute tonari wai langane. “Ma osep tisir iye gute Nasaret ina.”

Matyu 27:37

E tidue sogongon egim ke baraine ka wai ke ina metengen batne. Sogongon tonari langane. “Gute ane Yesus ka vri mgo ke osep Yuda ina.”

Mak 15:26

Deka tisogo pelengon ka wai ke sinngen elio ka iye mete ine. Tisogo gute ane iye gute ka vri mgo ke osep Yuda ina.

Luk 18:37

E osep tiwai ke iye langane. “Yesus ka Nasaret ina lila la.”

Luk 23:38

E tidue sogongon dong egim ke Yesus ka wai langane. “Gute ane gute ka vri mgo ke osep Yuda ina.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 18:33

Pailat sep ke ila ninu omba blang e gi ke Yesus e wai ke iye langane. “Wom gute ka vri mgo ke osep Yuda ina i?”

Jon 19:12

Pailat klingen pelengon ane deka iye krim ekreng ma iye karanga songon Yesus la. E osep Yuda ina tidaiku omba langane. “Langka omsongon gute ane la wom Sisar ila aten kovok. Kesua gute ka wai iye vri mgo ke omur gesa iye Sisar ina oul.”

Jon 19:14

E oklou ari oklou ka osep Yuda ina tikere ngangon e wan bitna bitna ke oklou ka me ka tidue rogo omba ka lana ine la ke alo ka Ida Tapolngon lua osep Yuda ina tisongon omur Isip. E ari langka oklou airavu. E Pailat wai ke osep Yuda ina langane. “Umavati gute ka vri mgo ke umu.”

Jon 19:21

Deka osep Yuda ina urok osep loulou ina ka omba tiwai ke Pailat langane. “Omsogo ‘gute ka vri mgo ke osep Yuda ina’ kovok. Aurou. Omsogo langane. ‘Gute ane wai iye gute ka vri mgo ke osep Yuda ina.’”

Jon 19:3

E tivri ke bitna e tiwai ke iye langane. “Imodue anit ke wom ka emvri mgo ke osep Yuda ina.” E limsak napau ke banga.

Aposel 26:9

“Oglou aitno lungong mter langka ngadue elio ka pes Yesus ka Nasaret ina angaine deka lou elio itau.

Aposel 3:6

Deka Pita wai langane. “Oka. Lou mani dong ke ngong kovok e wan ka dong ke ngong ma ngalua wom ine. Eknikane Yesus Krais ka Nasaret ina ila arit due wom ma emtito emlila.”