Jon 18:37 - Aria New Testament

³⁷ Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 18:37 ပူးပေါင်းရင်းမြစ်များ

Matyu 26:64

E Yesus koli wai langane. “Wom tona amwai ine e dau ngawai ke umu langane. Mase ma umavati Gute Ka Polou Langka Osep dong ke Ida Tapolngon ka ila arit ombatno limla odung. E ma umavati iye me ke taklak ke gaup ke sirva.”

Matyu 27:11

Yesus vri ke gute ka vri mgo ke osep Rom ina ke omur are bitna e gute tonari pmi iye langane. “Wom gute ka vri mgo ke osep Yuda ina?” E Yesus koli wai langane. “Wom tona amwai ine.”

Mak 14:62

Deka Yesus koli wai langane. “Iye ngong tona aneo. Mase ma umavati ngong ka Gute Ka Polou Langka Osep ngadong ke Ida Tapolngon limla odung. Ma umavati ngong ngame ke gaup ka mana ke sirva.”

Mak 15:2

Deka Pailat pmi Yesus langane. “Wom gute ka emvri mgo ke osep Yuda ina?” Deka Yesus koli wai langane. “Ngong gute ka amwai ine.”

Luk 22:70

E isak keniye tipmi iye langane. “Wom tona Ida Tapolngon Otno Arang i?” Deka Yesus koli wai ke isak langane. “Umu tona umawai lokono alo ka umawai ngong gute tonari.”

Luk 23:3

E Pailot pmi Yesus langane. “Wom gute ka vri mgo ke osep Yuda ina?” Deka Yesus koli wai ke iye langane. “Wom tona amwai ine.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 3:32

Iye wai ke wan ka iye vati kodong e klingen kodong ke omur heven e gute kene vala klingen ila pelengon e aitno dagar ine kovok.

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Jon 8:14

E Yesus koli wai ke isak langane. “Langka ngong tona vala ngawai ke lou elio dau lou pelengon lokono kesua ngaile lou omur batne ka ngame ine e ngaile omur ma ngala ine. E umu aurou. Umeile lou omur batne ka ngame ine kovok e umeile omur ma ngala ine kovok.

Jon 8:45

E ngawai pelengon lokono ke umu e ke batne ane aitno lumu dagar ke lou pelengon kovok.

Jon 8:46

Gute dong ke umu ka karanga wai iye tona vati ngong ngadue elio epmes ina gesa koke aurou? Aurou. Langka ngawai pelengon lokono ina lange aitno lumu dagar ke lou pelengon kovok?

Jon 8:47

Osep ka isak Ida Tapolngon ila osep tiklingen ila pelengon. E umoklingen ila pelengon kovok kesua umu ila osep kovok.”

1 Timoti 6:13

Ida Tapolngon due wan ka pula keniye. E Krais Yesus vri dagar e wai malak ke Pontius Pailat bitna. Deka ke amtarsak ngawai dagar lugom langane.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 2:21

Ngasogo pelengon ane ke umu kovok kesua aitno lungong mter langka umeile pelengon ka lokono kovok. Aurou. Ngosogoe kesua umeile pelengon ka lokono kodong e umeile pelengon ka yakngan karanga polou ke pelengon ka lokono kovok.

1 Jon 3:14

Oglou itodong langka osep ka timete e oku ane itodong ke mosongon ka dong vala dong. E iteile itodong ke mosongon tonari kesua ite lana ite ke Ida Tapolngon ila osep. E osep ka isak lana isak ke osep leklou kovok isak dau tidong langka osep ka timete.

1 Jon 3:19

Langka ite lana ite ke sudo deka iteile omur ite Ida Tapolngon ila osep lokono. Iteile itodong itau ke Ida Tapolngon bitna deka aitno lite mtong ine.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 1:4

E ngong Jon ngasogo pele-ngon ane uti ke umu ka pula keniye ka umodong ke sios lumorwo ka tidong ke provins Esia. Ida Tapolngon ka oglou iye dong kodong e eknikane iye dong e mase ma iye dong blang makai umu e due aitno lumu dong epen. E ano lumorwo ka dong ke Ida Tapolngon ila kova bitna timakai umu e tidue aitno lumu dong epen blang.

Pelengon kukwopngon 3:14

Gute tonari wai blang lang-ane. “Omsogo pelengon ke ensel ka dong ke sios ke Laodisia. Pelengon tonari langane. Gute ka tisir iye Lokono e ka wai osuk e wai lokono ke Ida Tapolngon ila pelengon keniye wai langane. ‘Ngong wan ka pula keniye ka Ida Tapolngon due batne.