Jon 18:33 - Aria New Testament

³³ Pailat sep ke ila ninu omba blang e gi ke Yesus e wai ke iye langane. “Wom gute ka vri mgo ke osep Yuda ina i?”

Jon 18:33 ပူးပေါင်းရင်းမြစ်များ

Matyu 27:11

Yesus vri ke gute ka vri mgo ke osep Rom ina ke omur are bitna e gute tonari pmi iye langane. “Wom gute ka vri mgo ke osep Yuda ina?” E Yesus koli wai langane. “Wom tona amwai ine.”

Matyu 27:27

Deka osep ola ina ke osep Rom ina tidue Yesus sep ke gute ka vri mgo ke osep Rom ina ila ninu e osep ola ina keniye tidong are.

Mak 15:2

Deka Pailat pmi Yesus langane. “Wom gute ka emvri mgo ke osep Yuda ina?” Deka Yesus koli wai langane. “Ngong gute ka amwai ine.”

Luk 23:2

Tipolou ke Pailot bitna e tisin elio vri ke Yesus e tiwai langane. “Imavati gute ane pagolgol imi osep Yuda ina aitno limi. Iye waiki imekli takis ke Sisar kovok e wai iye tona gute Krais ka Ida Tapolngon rere ma iye lua osep e iye vri mgo ke isak.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 12:13

E tiblou ongup komo e isak kla ke iye e tidaiku omba langane. “Itakakai Ida Tapolngon angaine tito la egim. Ma Ida Tapolngon aitno itau itau ke gute ka me ke Ida Puda angaine. Iye gute ka ma vri mgo ke osep Israel ina.”

Jon 12:15

“Umu osep Saion ina umoulou tarna lumu kovok. Umavati gute ka vri mgo ke umu dong ke donki otno e iye me.”

Jon 18:34

E Yesus koli wai langane. “Emdidi aitno lugom e empmi ngong langane koke osep leklou tiwai ke wom ke ngong e empmi ngong ine?”

Jon 18:37

Deka Pailat wai ke iye langane. “Alo ka amwai wom gute ka vri mgo ke omur gesa lem pelengon ane iye pelengon lokono?” E Yesus koli wai langane. “Amwai lokono alo ka amwai ngong gute ka ngavri mgo ke omur gesa. E ke batne langane nina divir ngong e ngame ke taklak ma ngapalongo osep ke pelengon lokono. E osep ka tiklingen pelengon lokono tiklingen kre lungong.”

Jon 18:38

E Pailat wai langane. “Pelengon lange iye pelengon lokono?” Pailat wai langane yagos deka iye la ke osep Yuda ina amtarsak blang e wai ke isak langane. “Ngaklingen gute Yesus ila pelengon e ngaile ila elio gesa vri ke iye ma iye mete ine kovok.

Jon 19:12

Pailat klingen pelengon ane deka iye krim ekreng ma iye karanga songon Yesus la. E osep Yuda ina tidaiku omba langane. “Langka omsongon gute ane la wom Sisar ila aten kovok. Kesua gute ka wai iye vri mgo ke omur gesa iye Sisar ina oul.”

Jon 19:3

E tivri ke bitna e tiwai ke iye langane. “Imodue anit ke wom ka emvri mgo ke osep Yuda ina.” E limsak napau ke banga.

Jon 19:4

Deka Pailat la ke osep Yuda ina blang e wai ke isak langane. “Osep umoklingen. Ngapaur gute ane ke omtomu ma umakaranga umeile ngaile ila elio gesa vri ke iye ma iye mete ine kovok.”

Jon 19:9

Deka iye sep ke ila ninu blang e pmi Yesus langane. “Lem omur batne ge?” E Yesus koli wai ke iye kovok.

1 Timoti 6:13

Ida Tapolngon due wan ka pula keniye. E Krais Yesus vri dagar e wai malak ke Pontius Pailat bitna. Deka ke amtarsak ngawai dagar lugom langane.