Jon 18:32 - Aria New Testament

³² Oglou Yesus wai ke elio ka iye ma mete ine e wan ane polou ma due Yesus ila pelengon polou lokono.

Jon 18:32 ပူးပေါင်းရင်းမြစ်များ

Matyu 20:19

E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 26:2

“Umeile ma oklou orwo mela yagos deka itodue rogo omba ka lana ine la ke alo ka Ida Tapolngon lua osep Yuda ina tisongon omur Isip. E osep ma tikar Gute Ka Polou Langka Osep ke osep leklou ma tinilim iye ke ina akai.”

Mak 10:33

“Umoklingen lou pelengon. Itetito itala ke Jerusalem e ma osep tikar ngong ka Gute Ka Polou Langka Osep ke osep loulou ina ka omba e osep ka tile itau ke Moses ila sogongon limsak. Deka ma tikotim ngong e tikar ngong ke osep ka isak osep Yuda ina kovok limsak ma ngamete.

Jon 10:31

Deka osep Yuda ina tidue opmu ma tiuri isak ke Yesus ma iye mete ine.

Jon 10:33

E tikoli tiwai ke iye langane. “Imawaiki imouri opmu ke wom ke elio arit ina ka omdue kovok. Aurou. Imawaiki imodue langane kesua amwai soulu ke Ida Tapolngon. Wom gute vala e amwai wom eriar langka Ida Tapolngon.”

Jon 13:18

“Ngawai ke umu keniye kovok kesua ngaile umu ka ngarere umu kodong. E elio ane polou ma Ida Tapolngon ila pelengon palma polou lokono. Pelengon tonari langane. ‘Gute ka ngen ngangon kap ngong pul dogur ke ngong e aitno soulu ke ngong.’

Jon 18:31

Deka Pailat wai ke isak langane. “Umodue e umedidi lumu pelengon dagar e umawade iye ine.” E tikoli tiwai langane. “Aurou. Umu osep Rom ina umosongon imi ma imemter gute ma iye mete kovok.”

Jon 21:19

E Yesus wai pelengon ane ma iye palongo Pita ila ke elio ka ma iye mete e ke elio langane ma iye due osep tidue anit ke Ida Tapolngon. Deka Yesus wai ke Pita langane. “Omo emdidi ngong.”

Jon 3:14

Eriar langka Moses kakai mota bras tito ke akai palma alo ka iye dong ke omur ka dong adai vala ma osep tidue Gute Ka Polou Langka Osep tito ke akai.

Jon 8:28

E Yesus wai ke isak langane. “Alo ka umakakai ngong ka Gute Ka Polou Langka Osep ke ngau akai ma umeile ngong Gute Ka Ngadong Kodong e ma umeile ngadidi aitno lungong e ngadue elio bitna bitna kovok. Aurou. Ngawai pelengon ka Livou nis ngong ine vala.

Aposel 7:59

Isak dau tiuri opmu e timluk Stiven ine deka iye wai itau ke Ida Puda langane. “Ngau Puda Yesus omdue anngong.”

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”