Jon 18:20 - Aria New Testament

²⁰ Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok.

Jon 18:20 ပူးပေါင်းရင်းမြစ်များ

Matyu 24:26

Deka langka osep tiwai ke umu langane. ‘Umoklingen. Gute Krais dong ke omur ka dong adai vala’ umala ari kovok. E langka tiwai ke umu iye dong ke ninu aitno io aitno lumu la dagar ine kovok.

Matyu 26:55

Deka Yesus wai ke osep pula are langane. “Ina lange umomo e umakalke elil omba e akai ma umodue ngong langka ngong gute panakongon ina ka soulu? Oklou kene kene ngadong ke omur ka lelei Ida Tapolngon ila ninu e ngaparere umu e umekis ngong are kovok.

Matyu 26:65

Deka gute loulou ina ka mgo trum ila molo e wai langane. “Iye wai pelengon soulu ke Ida Tapolngon. Ma iteklingen osep leklou urok pelengon kovok kesua umoklingen iye tona wai pelengon soulu ke Ida Tapolngon.”

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 9:35

Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Mak 8:32

Iye wai malak ke elio soulu ma polou ke iye. Deka Pita paur iye la isuk boto e wai dagar ke iye langane. “Amwai langane kovok.”

Luk 21:37

Ke oklou kene kene Yesus parere osep ke omur ka lelei Ida Tapolngon ila ninu e ke epmes kene kene iye la dong ke ninu ka dong ke gigri Oliv.

Luk 4:15

E iye parere osep ke urok duningen ina ninu e osep pula tikakai angaine ine.

Jon 18:21

Ina lange empmi ngong ke wan tonari? Empmi osep ka tiklingen lou pelengon ke wan ka ngawai ke isak. Tile pelengon ka ngawai ine.”

Jon 6:59

Yesus wai pelengon ane alo ka iye parere osep ke duningen ina ninu ke Kaperneam.

Jon 7:14

Rogo omba ina oklou leklou yagos e ina oklou leklou dau polou deka Yesus la ke omur ka lelei Ida Tapolngon ila ninu e nogrum parere osep.

Jon 7:26

Umavati. Iye dong ane e wai ke osep pula amtarsak e osep tiwai ke iye kovok. Aitno lumu lange? Osep kaunsil ina aitno lisak mter gute ane gute Krais ka Ida Tapolngon rere ma iye lua osep ke urok elio epmes ina koke aurou?

Jon 7:28

E Yesus parere osep ke omur ka lelei Ida Tapolngon ila ninu e wai omba langane. “Ee. Aitno lumu mter umeile ngong e umeile lou omur batne. E ngadong ane kesua ngadidi aitno lungong vala kovok. Aurou. E gute ka pagei ngong ngame ila elio keniye lokono e umeile ke iye kovok.

Jon 7:4

Kesua gute ka waiki osep tile itau ke ila elio bisi ila elio ke osep amtarsak kovok. Omdue lem elio bitna bitna ma osep tivati isak.”

Jon 8:2

E oklou silang alo ka oklou tito iye la ke omur ka lelei Ida Tapolngon ila ninu e osep pula pula tiduni pulu lelei iye deka iye dong e parere isak.

Jon 8:26

Langka ngawaiki ngawai ke umu ke lumu elio soulu e ngawade umu ine ngakaranga ngadue. E gute ka pagei ngong ngame ila elio keniye lokono e pelengon ka ngaklingen ke iye ngawai ke osep taklak ina.”

Aposel 26:26

E silang blang gute ka vri mgo Agripa ile omur ke pelengon ka ngawai ine kodong. Ngawai malak ine kesua ngaile omur iye ile ine kodong. Kesua elio ka ngawai ine polou kukwop kovok.”