Jon 17:8 - Aria New Testament

⁸ Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”

Jon 17:8 ပူးပေါင်းရင်းမြစ်များ

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Jon 12:49

Ngadidi aitno lungong e ngawai kovok. Aurou. Livou ka pagei ngong ngame wai dagar ke ngong ke pelengon ka ma ngawai ine.

Jon 14:10

Aitno lugom lange? Aitno lugom dagar ke elio ka ngadong kap Livou e Livou dong kap ngong koke aurou? Ngadidi aitno lungong e ngawai pelengon ke umu kovok. Aurou. Livou ka dong kap ngong didi aitno e due wan ka iye waiki due.

Jon 15:15

E oku ane ngasir umu lou osep bokongon ina kovok kesua gute bokongon ina ile wan ka ina puda due kovok. Oku ane ngasir umu lou saten e wan ka pula keniye ka ngaklingen ke Livou ngawai ine ke umu.”

Jon 16:27

Kesua Livou lana iye ke umu batne umu lana umu ke ngong e aitno lumu dagar ke elio ka ngame ke Livou.

Jon 16:30

E oku ane imeile wom emile wan ka pula keniye e empmi osep ke wansua ka aitno lisak mter ine ma emile aitno lisak kovok. E ke batne langane aitno limi dagar ke elio ka Ida Tapolngon pagei wom omo ke imi.”

Jon 17:14

“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok.

Jon 17:18

Eriar langka ampagei ngong ngame ngadong airavu ke osep taklak ina ngapagei isak kla tidong airavu ke osep taklak ina blang.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 3:33

Gute ka klingen ila pelengon e aitno dagar ke iye ane langka iye wai langane. ‘Ida Tapolngon ila pelengon iye pelengon lokono.’

Jon 6:68

E Saimon Pita koli wai langane. “Ipem Puda ma imala imedidi gute sei silang? Kesua wom vala gute ka amwai pelengon ka due osep tidue mosongon ka dong vala dong.

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

1 Korin 11:23

Pelengon ka ngakare ke umu ngadue ke Ida Puda vala. Pelengon langane. Ke epmes ka Judas lai Ida Puda ina ine Yesus due bret.

1 Korin 15:1

Sipmi. Ngawaiki ngasruk aitno lumu ke omon itau ka oglou nganapapra ke umu. Alo ari aitno lumu la dagar ke omon itau deka umodong dagar ine.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

1 Tesalonaika 4:1

Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.