Jon 17:6 - Aria New Testament

⁶ “Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon.

Jon 17:6 ပူးပေါင်းရင်းမြစ်များ

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 12:28

Livou emnis osep ke lem elio ka itau lokono.” Deka kreine wai ke omur heven langane. “Ngadue langane kodong e ma ngadue blang.”

Jon 15:19

Langka umu osep taklak ina ma isak lana isak ke umu langka isak lana isak ke isak sisrok. E umodong langka osep taklak ina kovok e ngarere umu ma umosongon isak deka ke batne langane aitno lisak engil e amnga ke umu.

Jon 15:3

E umopolou itau kodong batne ke pelengon ka ngawai ke umu kodong.

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 17:12

Alo ka ngadong kap isak ngaplau isak ke lem arit ka amkare ke ngong. Ngaplau isak e gute kene vala ke isak imina. Iye gute ka ke ila elio soulu due ma iye imina. E elio ane polou ma wan ka osep tisogoe ke lem pelengon polou lokono.

Jon 17:14

“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok.

Jon 17:16

Taklak ane urok omur kovok eriar langka taklak ane lou omur kovok.

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 17:26

Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”

Jon 17:7

E oku ane tile wan ka pula keniye ka amkare ke ngong me ke wom vala.

Jon 18:9

Yesus wai langane ma pelengon ka oglou iye wai ine polou lokono. Oglou iye wai langane. “Livou. Gute kene ke osep ka amkar isak ke ngong imina kovok.”

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

Jon 8:51

Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Aposel 13:48

Osep ka isak osep Yuda ina kovok tiklingen Pol orwo Barnabas urok pelengon deka aitno lisak neser ine. Deka tiwai langane. “Ida Puda ila pelengon itau lokono.” Deka osep keniye ka Ida Tapolngon rere isak ila osep aitno lisak la dagar ine.

Pas ka Pol sogoe uti la ke osep Rom ina 11:2

Ke oglou kodong Ida Tapolngon rere isak ila osep. E iye karanga pul dogur ke isak kovok. Lange? Umeile ke basikngen ke gute Elaija ka dong ke Ida Tapolngon ila pelengon kovok? Umeile ine. Elaija wai ke Ida Tapolngon e sin elio vri ke osep Israel ina langane.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

2 Timoti 1:13

Emkis dagar ke pelengon ka ngaparere wom ine e amkana lou elio. Aitno lugom dagar ke Krais Yesus kodong e ngawaiki omdong dagar ine. E ngawaiki wom lana wom ke Ida Tapolngon e ila osep blang.

Hibru 2:12

E Yesus wai ke Ida Tapolngon langane. “Ma ngapalongo sipmi ke elio ka omdue. Alo ka tiduni pulu ma ngakakai angain wom tito la egim ke amtarsak.”

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 2:13

‘Ngaile omur ke armok ka umodong ine. Satan ila kova dong ke armok tonari. E ke oglou lila me aitno lumu dong dagar ke ngong e umosongon aitno lumu ila dagar kovok. Umodong dagar lama oglou osep timluk gute Antipas ma iye mete. Iye dong kap umu e napapra lou pelengon e didie deka osep timluk iye ma iye mete. Iye mete ke lumu armok ka Satan dong ine.’”

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.

Pelengon kukwopngon 3:8

Ngaile elio bitna bitna ka umodue kodong. Ngaile lumu arit sasi boto e umedidi lou pelengon e umopul dogur ke ngong kovok. Deka umoklingen. Ke omtomu ngaklok ekreng bitna e gute gesa karanga divae kovok.