Jon 17:24 - Aria New Testament

²⁴ “Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 17:24 ပူးပေါင်းရင်းမြစ်များ

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:23

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Matyu 26:29

Ngawai ke umu langane. Ma ngainim aki wain blang kovok la lama ngainim oku kap umu ke omur ka Livou plaue.”

Luk 12:37

Langka alo ka gute tonari iding iye vati ila osep bokongon ina tidong tipara ke iye ma aitno lisak itau itau. Ngawai lokono langane. Ma iye tnei ila bokongon ina klos deka due isak tidong ke bota e ma iye kar ngangon ke isak.

Luk 23:43

E Yesus koli wai ke iye langane. “Ngawai lokono ke wom langane. Eknikane ma omdong kap ngong ke omur ka itau lokono.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 14:3

E ngala e ngakere lumu omur e mase ma ngaiding e ngadue umu ma umodong kap ngong ke omur ka ngadong ine.

Jon 15:9

Eriar langka Livou lana iye ke ngong io ngong lana ngong ke umu blang. E umodong dagar ke elio ka ngong lana ngong ke umu.

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 17:22

Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu.

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

Jon 8:58

E Yesus koli wai ke isak langane. “Ngawai lokono ke umu langane. Oglou alo ka Abraham tna dau divir iye kovok ngong Gute Ka Ngadong Kodong ngadong.”

1 Korin 13:12

E eknikane iteile emkil emkil ke Ida Tapolngon ila elio. Eriar langka itavati amtada ke glas ka itavati ite malak ine kovok e itavati langka rurut. E mase ma ite e Ida Tapolngon itavati amtada pulu e ma iteile lokono ke iye eriar langka eknikane iye ile ke ite.

2 Korin 3:18

E wan gesa kading ite keniye amtada kovok deka Ida Puda ila bublongon polou ke ite e itopolou langka glas ka osep tikaranga tivati Ida Puda ine. Deka aling aling itolumus itopolou nisngen ke Ida Puda. E Ida Puda iye Ano Itau.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

2 Korin 5:8

Aitno lite mter langane deka itodong dagar e itawaiki itosongon pampamu lite e itala itodong kap Ida Puda ke ila omur.

Filipai 1:23

Aitno lungong orwo ine. Ngawaiki ngala ngadong kap Krais. Are itau.

1 Tesalonaika 4:17

E alo ari ite ka dau itodong ma itetito itala ke gaup ke sirva kap osep ka pula keniye ari. E ite ka pula keniye ma itososon Ida Puda are. Deka ma itodong kap Ida Puda dong vala dong.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

Pelengon kukwopngon 21:22

Omtongu lila ke armok e ngavati Ida Tapolngon ila ninu dong ine kovok. Kesua Ida Tapolngon ka iye Ida Puda ka ila arit ombatno lokono iye gosok Sipsip Otno tidong langka Ida Tapolngon ila ninu ke armok tonari.

Pelengon kukwopngon 3:21

“Ma ngasongon gute ka mole elio soulu ma iye dong kap ngong ke lou kova langka oglou ngamole elio soulu e ngadong kap livou ke ila kova.