Jon 17:23 - Aria New Testament

²³ Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Jon 17:23 ပူးပေါင်းရင်းမြစ်များ

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 13:35

Langka umu lana umu pulu deka osep ka pula keniye ma tile umu lou disaipel.”

Jon 14:10

Aitno lugom lange? Aitno lugom dagar ke elio ka ngadong kap Livou e Livou dong kap ngong koke aurou? Ngadidi aitno lungong e ngawai pelengon ke umu kovok. Aurou. Livou ka dong kap ngong didi aitno e due wan ka iye waiki due.

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:9

Eriar langka Livou lana iye ke ngong io ngong lana ngong ke umu blang. E umodong dagar ke elio ka ngong lana ngong ke umu.

Jon 16:27

Kesua Livou lana iye ke umu batne umu lana umu ke ngong e aitno lumu dagar ke elio ka ngame ke Livou.

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 17:26

Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 17:8

Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Filipai 3:15

Deka ite ka itopolou langka osep ngongle ke aitno lite ila dagar kodong ma aitno lite kene ke lou pelengon tonari. E langka umu leklou aitno lumu mter ke elio silang Ida Tapolngon ma due aitno lumu ma umeile omur ine.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

Kolosi 3:14

E wan ka ombatno langane. Umu lana umu pulu. Kesua elio ka umu lana umu pulu iye langka pou umu pulu deka umodong kene vala langka Ida Tapolngon waiki umodong.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 4:19

Ite lana ite ke osep leklou batne Ida Tapolngon lana iye ke ite mgo.

Pelengon kukwopngon 3:9

Umeile kodong langane. Osep ka Satan ila osua tiwai isak osep Yuda ina. E isak osep Yuda ina kovok. Isak osep yakngan ina vala. Deka umoklingen. Ma ngadue osep tonari ma time tigrum kamsak ke omtomu ma tile langane. Ngong lana ngong ke umu.