Jon 17:22 - Aria New Testament

²² Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu.

Jon 17:22 ပူးပေါင်းရင်းမြစ်များ

Mak 6:7

Yesus gi ila disaipel songotno orwo ma time tipolou ke iye. Tipolou ke iye kodong deka iye pagei isak orwo orwo ma isak kla tidue bokongon ka iye kare ke isak. Deka iye kar ila arit ke isak ma tisapir angelo soulu ka tidong ke osep leklou.

Luk 22:30

Ke omur ka ngavri mgo ine ma umodong ke lou bota e umangen e umeinim kap ngong. E ma umodong ke kova kova langka osep ka tiplau omur omur e umawade osua songotno orwo ke osep Israel ina.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Pas ka Pol sogoe uti la ke osep Rom ina 8:30

Ida Tapolngon rere ite ila osep e wai langane. “Osep ka ngarere umu kodong umu lou osep.” Iye wai ke ite langane kodong e due ite itopolou itau e osuk ke bitna. Deka osep ka tipolou itau e osuk ke bitna iye kakai isak.

2 Korin 3:18

E wan gesa kading ite keniye amtada kovok deka Ida Puda ila bublongon polou ke ite e itopolou langka glas ka osep tikaranga tivati Ida Puda ine. Deka aling aling itolumus itopolou nisngen ke Ida Puda. E Ida Puda iye Ano Itau.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:17

Ite lana ite ke osep leklou deka elio tonari res polou omba ke ite. Deka alo ka Ida Tapolngon wade osep ka pula keniye urok elio ma itelim ine kovok. Kesua iteile alo ka itodong ke taklak itodue elio eriar langka Krais due.

Pelengon kukwopngon 21:14

E silang ke ari tonari opmu songotno orwo ka due ari dagar dong ine. E tisogo angaine kene ke Sipsip Otno ila aposel songotno orwo ke opmu kene kene.