Jon 17:21 - Aria New Testament

²¹ Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 17:21 ပူးပေါင်းရင်းမြစ်များ

Mak 3:24

“Langka osep ka tidong ke kantri kene tidue ola pulu ma tidong tauni kovok. Ma tipaiavu isak kensak kensak vala deka isak yagos.

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 10:30

Ngong e Livou imi eriar vala.”

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 11:42

Ngaile aling aling emklingen ngong alo ka ngawai itau ke wom e ngawai langane kesua osep pula tidong ane. Ma aitno lisak dagar ke elio ka ampagei ngong ngame ke taklak.”

Jon 13:32

E langka osep tidue anit ke Ida Tapolngon batne ke Gute Ka Polou Langka Osep deka Ida Tapolngon ma nis Gute Ka Polou Langka Osep ila arit e ila elio itau lokono ke osep blang. E ma iye due suong.

Jon 13:35

Langka umu lana umu pulu deka osep ka pula keniye ma tile umu lou disaipel.”

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 17:18

Eriar langka ampagei ngong ngame ngadong airavu ke osep taklak ina ngapagei isak kla tidong airavu ke osep taklak ina blang.

Jon 17:20

“E ngawai itau ke wom ke lou osep vala kovok. Aurou. Ngawai itau ke osep ka aitno lisak ma la dagar ke ngong batne ke urok pelengon blang.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 17:8

Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”

Jon 3:17

Ida Tapolngon pagei Otno Arang ke taklak ma iye wade osep kovok. Aurou. Iye pagei iye ma iye lua osep ke urok elio epmes ina.

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 4:32

Alo ari osep ka aitno lisak dagar ke Yesus aitno lisak kene pulu e tilua pulu ke urok wan bitna bitna. Osep pula tiwai urok wan bitna bitna ina gute osep keniye. Tidue elio langka gute kene wai langka ila wan iye tona ila kovok.

Pas ka Pol sogoe uti la ke osep Rom ina 12:5

E ite pula itodong langka Krais pampamu ine ka kene vala. E iteneklep pulu langka ite kente kente Krais pampamu ine ongwaine kene kene.

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

1 Korin 12:12

Gute pampamu ine kene vala e ongwa ine pula. Gute ongwa ine pula e dau pampamu ine kene vala. E Krais blang dong langane.

1 Korin 6:17

E langka gute gesa neklep ke Ida Puda ano ma iye polou langka kene vala kap Krais.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 5:7

Ano Itau ka iye pelengon lokono batne palongo udo elio ane lokono.