Jon 17:20 - Aria New Testament

²⁰ “E ngawai itau ke wom ke lou osep vala kovok. Aurou. Ngawai itau ke osep ka aitno lisak ma la dagar ke ngong batne ke urok pelengon blang.

Jon 17:20 ပူးပေါင်းရင်းမြစ်များ

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 17:19

E ngarere ngong tona ma ngadue lem bokongon e ngadidi lem pelengon ma ngakaranga ngalua isak. Ngadue langane ma tikaranga tidue lem bokongon e tididi lem pelengon ka lokono vala.”

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Aposel 4:4

E osep epmes ina pula tiklingen Pita orwo Jon urok pelengon deka aitno lisak la dagar ke Yesus. E ari osep ka aitno lisak dagar ke Yesus inarak sasa tires tipolou 5,000.

Pas ka Pol sogoe uti la ke osep Rom ina 16:26

Eknikane Ida Tapolngon ka ila poloungon kovok ila omon itau dong kap ite e iteile ine. Iteile ine kesua osep napaprangan ina tisogo ine deka urok sogongon tonari dong ke ite. Ida Tapolngon due aitno lisak deka tisogo ine ma osep ka pula keniye ka tidong ke omur ka pula keniye talsak klingen ine e aitno lisak karanga la dagar ine.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

2 Timoti 1:2

Ngasogo pas ane uti ke wom Timoti ka wom langka erigu ka ngong lana ngong ke wom. Ngawaiki Ida Tapolngon ka Pmada kap Ida Puda Krais Yesus timakai wom e aitno lisak due wom e tidue aitno lugom dong epen.