Jon 17:2 - Aria New Testament

² Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 17:2 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 17:6

“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon.

Jon 17:9

“Ngawai itau ke wom ma omlua isak vala. E ngawai itau ma omlua osep taklak ina kovok. Aurou. Ngawaiki omlua osep ka amkar isak ke ngong kesua isak lem osep.

Jon 3:35

Ida Tapolngon ka Pmada lana iye ke Otno Arang e kar wan ka pula keniye ke limla ma iye plaue.

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

1 Korin 15:25

Deka Krais ma plau wan ka pula keniye la lama Ida Tapolngon mole Krais ina oul ka pula keniye.

Efesus 1:20

Ida Tapolngon ila arit ka iye lua ite ine eriar langka ila arit ka due Krais poga tito ke ina denga. Ida Tapolngon due Krais poga tito deka due dong ke limla odung ke omur heven.

Filipai 2:10

Ida Tapolngon due langane ma osep tidue anit ke Yesus. Deka osep ka tidong ke omur heven e osep ka tidong ke taklak e osep ka tidong ke taklak aitno ma tigrum kamsak ke bitna.

1 Timoti 1:16

E Ida Tapolngon aitno due ngong e Yesus Krais ila elio molil ka iye para ma ngabauluk aitno lungong polou langka nisngen ke osep ka pula keniye amtarsak. Ma tivati wan ka iye due ke ngong. E ma isak blang aitno lisak dagar ke iye e ma tidue urok mosongon ka dong vala dong.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.

1 Jon 1:2

Gute tonari polou malak e imavati iye deka imapalongo lumu ine. Imanapapra umu ke mosongon ka dong vala dong ka oglou dong ke Pmada e eknikane polou malak ke imi.

1 Jon 2:25

E Krais wai promis kodong ma iye kar mosongon ka dong vala dong ke ite.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pas ka Jut sogoe 1:21

Ida Tapolngon lana iye ke umu e ngawaiki aling aling aitno lumu mter ine. E umapara ke alo ka Ida Puda Yesus Krais aitno due umu e kar lumu mosongon ka dong vala dong ke umu.