Jon 17:11 - Aria New Testament

¹¹ “E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 17:11 ပူးပေါင်းရင်းမြစ်များ

Matyu 10:16

“Ngapagei umu ke osep e umodong langka sipsip titno e tidong langka gemle kevena. Aitno lumu mter itau ke wan bitna bitna langka mota aitno mter e ile itau ke wan e umodue elio molil molil langka belis.

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Matyu 6:9

“Alo ka umawai itau ke Ida Tapolngon umawai langane. ‘Pmemi ka dong ke omur heven omlua imi ma imodue anit ke angain wom.

Jon 13:1

Rogo omba ka lana ine la ke alo ka Ida Tapolngon lua osep Yuda ina tisongon omur Isip polou dau kovok. E Yesus ile isuk boto ma iye songon taklak e la ke Timla. Iye lana iye ke ila osep ka tidong ke taklak e iye lana iye ke isak la lama alo ka iye mete.

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 17:6

“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon.

Jon 7:33

Deka Yesus wai ke osep langane. “Ma ngadong kap umu sasi boto vala deka ngaiding ke gute ka pagei ngong ngame.

Aposel 3:21

Eknikane Yesus dau dong ke omur heven la lama iding alo ka elio polou eriar langka oglou osep napaprangan ina tiwai ine. Oglou ari Ida Tapolngon due osep napaprangan ina aitno lisak deka tiwai langane. ‘Mase dau tauni ma Ida Tapolngon due wan bitna bitna keniye tipolou itau lokono eriar langka oglou ari alo ka elio epmes ina dau dong kovok.’ Deka alo ka elio ane polou ma Yesus duru dong ke taklak blang.”

Pas ka Pol sogoe uti la ke osep Rom ina 12:5

E ite pula itodong langka Krais pampamu ine ka kene vala. E iteneklep pulu langka ite kente kente Krais pampamu ine ongwaine kene kene.

Pas ka Pol sogoe uti la ke osep Rom ina 9:17

Ke Ida Tapolngon ila pelengon iye wai ke Fero langane. “Ngadue wom emvri mgo ke omur Isip. Ngadue lang-ane kesua batne ma osep ka pula keniye ke taklak ka pula keniye tivati lou arit ka ngadue ke wom. E ma osep pula tikakai angain ngong tito la egim ine.”

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Efesus 4:4

Yesus ila osep keniye isak eriar langka Krais pampamu ine ka kene vala. E Ida Tapolngon Ano Itau ka dong ke aitno lite iye kene vala. Deka Ida Tapolngon wai ke ite ke wan kene vala ka itapara ine.

Filipai 2:9

Iye mete kodong ke ina akai deka Ida Tapolngon due iye mole osep ka pula keniye e due angaine omba lokono e gute silang angaine omba langane kovok.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

1 Jon 3:12

E itodue elio langka oglou gute Kein ka iye Satan ila gute due kovok. Ke oglou Kein due burwa ke ina aiver. Ina lange Kein due burwa ke ina aiver? Iye due burwa ke iye batne langane. Ina aiver ila elio itau e osuk e Kein ila elio soulu.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.

Pelengon kukwopngon 15:4

Ipem Puda wom kenwom vala omdong itau lokono e osep ka pula keniye ma tidue anit ke wom e tikakai angain wom tito la egim. Ma osep ke omur ka pula keniye time ke wom e tilotuim wom. Kesua lem elio itau polou malak lokono e osep ka pula keniye tivati elio tonari.”

Pelengon kukwopngon 19:12

E ngavati bitna bublo langka eiou e hat pula dong ke apna langka osep ka tivri mgo ke omur omur tisine. E ke tarna tisogo angaine e iye kene vala karanga ile ine e osep leklou tile ine kovok.

Pelengon kukwopngon 4:8

Wan apanal tonari ka tidong langka ansak dong lisak isak kensak kensak pena lisak lumakene e amtarsak pula kading pampamu lisak keniye e ke pena lisak bisna blang. Ke oklou e epmes aling aling tidue sakul langane. “Ida Tapolngon ka Ida Puda ila arit ombatno e iye itau itau lokono. Ke oglou iye dong e eknikane iye dong e mase iye ma me.” E timtong ke pelengon tonari kovok.