Jon 17:10 - Aria New Testament

¹⁰ E lou osep ka pula keniye isak lem osep e lem osep ka pula keniye isak lou osep e ma tinis lou elio itau lokono e lou arit ka omba ke osep taklak ina.”

Jon 17:10 ပူးပေါင်းရင်းမြစ်များ

Jon 10:30

Ngong e Livou imi eriar vala.”

Jon 11:4

Alo ka omon polou ke Yesus iye wai langane. “Paiangan ane polou ma Lasarus mete lokono ine kovok. Aurou. Polou ma osep tikakai Ida Tapolngon angaine tito la egim e ma tikakai Ida Tapolngon Otno Arang angaine tito la egim batne ke elio ane.”

Jon 12:23

E Yesus koli wai ke isak langane. “Taim ka Ida Tapolngon nis osep ke Gute Ka Polou Langka Osep ila elio itau lokono polou kodong.

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Aposel 19:17

Elio ane polou deka osep Yuda ina keniye e osep Grik ina keniye ka tidong ke Efesus tiklingen ila omon e tilim pula ine. Deka tikakai Ida Puda Yesus angaine tito la egim.

Galesia 1:24

Tiklingen omon ke elio ka Ida Tapolngon makai ngong e tikakai Ida Tapolngon angaine ine.

Filipai 1:20

Deka lana lungong omba ma ngadue wan ka osuk vala e ngadue wan gesa ka mnak ngong ine kovok. Aurou. Aitno lungong mter langane. Eknikane e mase blang ngadong dagar e ngadue elio itau vala. Deka langka ngadong koke ngamete kodong ngawaiki wan keniye ka ngadue kakai Krais angaine tito la egim.

Kolosi 2:9

Umeile oglou Krais polou langka itosep e Ida Tapolngon ila elio keniye dong ke Krais e isak orwo eriar.

2 Tesalonaika 1:10

Alo ka Ida Puda me ila osep ma tidue anit ke iye e tikakai angaine tito la egim. Kesua aitno lite la dagar ke iye e aitno lite itau ke iye. E umu blang ma aitno lumu itau kesua aitno lumu la dagar ke limem pelengon ka imanapapra ke umu.

2 Tesalonaika 1:12

Alo ka umodue elio langane umakakai Ida Puda Yesus angaine tito la egim. Deka Ida Tapolngon e Ida Puda Yesus Krais urok makaingan la ke umu e due angainmu tito la egim blang.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.